އައު އަހަރާއި ދިމާކޮށް 5 ދުވަހަށް ބޭންކްތައް ބަންދު

އައު އަހަރާއި ދިމާކޮށް 31 ޑިސެމްބަރ ވަނަ ދުވަހު ބޭންކް އޮފް މޯލްޑިވްސްއާއި މޯލްޑިވްސް އިސްލާމިކް ބޭންކް ބަންދުވާނެކަމަށް އެ ބޭންކުތަކުން ބުނެފިއެވެ.

ބީއެމްއެލްއާއި އަދި އެމްއައިބީން ބުނީ 31 ޑިސެމްބަރުން ފެށިގެން ބޭންކް ބަންދުވާނެކަމަށާއި ދެން ހުޅުވޭނީ 5 ޖަނަވަރީ 2025 ގައިކަމަށެވެ. އެހެންކަމުން ދުރާލާ ކަންކަން ނިންމެވުމަށް އެ ބޭންކްތަކުން ވަނީ ކަސްޓަމަރުންގެ ކިބައިން އެދިފައެވެ.

ބީއެމްއެލްއިން ބުނީ މި މުއްދަތުގެ ތެރޭގައި ބީއެމްއެލް ބަންދުވީނަމަވެސް އިންޓަނެޓް އަދި މޯބައިލް ބޭންކިންގެ ޚިދުމަތާއި، ސެލްފް ސަރވިސް އޭޓީއެމް އަދި ކަސްޓަމަރ ސަޕޯރޓް ސަރވިސްގެ ޚިދުމަތް ލިބެން ހުންނާނެކަމަށެވެ.

އެމްއައިބީން ބުނީ ބޭންކް ބަންދުވާ މުއްދަތުގައި އީ-ބޭންކިންއާއި، އޭޓީއެމްގެ އިތުރުން ކަސްޓަމަރ ކެއަރ ސެންޓަރގެ ޚިދުމަތް ލިބެން ހުންނާނެކަމަށެވެ.