އެކުވެރިކަމުގެ މެޗެއްގައި ރާއްޖެއާ ދެކޮޅަށް މިއަދު ނުކުންނަ އިންޑިޔާގެ ގައުމީ އަންހެން ޓީމުގައި ގިނައިން ތިބީ ޒުވާން ކުޅުންތެރިން ކަމަށް ކޯޗު ޖޯހިމް އެލެގްޒެންޑަސަން ބުނެފި އެވެ.
ސްވިޑްންގެ ކޯޗު ބުނީ އޭނާ އެކުލަވާލި 23 ކުޅުންތެރިންގެ ޓީމުގައި ޒުވާނުން ގިނަޔަސް ސީނިއާ ބައެއް ކުޅުންތެރިން ވެސް ޓީމާ ގުޅޭނެ ކަމަށެވެ. މީގެ ތެރޭގައި ސަންގީތާ ބަސްފޯ އާއި ގްރޭސް ޑަންގްމޭ އާއި ޕިޔާރީ ޒާޒާ ހިމެނެ އެވެ. ނަމަވެސް ކެޕްޓަން އަޝްލާޓާ ޑޭވީ ރާއްޖެއާ ދެކޮޅަށް ކުޅޭ ދެ މެޗުގައި ވެސް ނުކުޅޭނެ އެވެ.
ބުލޫ ޓައިގާސްގެ ނަމުން މަޝްހޫރުވެފައިވާ އިންޑިޔާގެ އަކީ ފީފާ ރޭންކިންގެ 69 ވަނާގަ އެވެ. ރާއްޖެ ހިމެނެނީ 163 ވަނާގަ އެވެ. މި ދެ ގައުމު އެންމެ ފަހުން ބައްދަލުކުރީ 2022 ވަނަ އަހަރު އެވެ. އެ މެޗު އިންޑިޔާ ކާމިޔާބުކުރީ 9-0އިންނެވެ.
އެކުވެރިކަމުގެ ދެ މެޗަށް އިންޑިޔާއާ ދެކޮޅަށް ރާއްޖެ ނުކުންނައިރު ދިވެހި ޓީމު އެންމެ ފަހުން ކުޅުނު މުބާރާތަކީ މި އަހަރު ފަހުކޮޅު ކުޅުނު ސާފް ޗެމްޕިއަންޝިޕެވެ. މި މުބާރާތުގައި ބޫޓާން އަތުން 13-0އިން ބަލިވެ، ރާއްޖެ ވަނީ ނޭޕާލް އަތުން 11-0އިން އަދި ލަންކާ އަތުން 1-0އިން ބަލިވެ ރާއްޖެ ކެޓީ ގްރޫޕް ސްޓޭޖުންނެވެ. މި މުބާރާތުން އިންޑިޔާ ކެޓީ ސެމީ ފައިނަލުގައި ނޭޕާލް އަތުން ޕެނަލްޓީ ޖަހައިގެންނެވެ. މި މުބާރާތަށް ފަހު މި މެޗާ ދެމެދު ރާއްޖޭގެ ޓީމަށް ބަދަލެއްނާދެ އެވެ.
ކޯޗު މުހައްމަދު ނިޒާމްގެ ކޯޗުކަމުގައި ކުޅޭ ރާއްޖެގެ ޓީމު އިންޑިޔާއާއެކު ކުޅޭ ދެ ވަނަ މެޗު އޮންނާނީ ޖެނުއަރީ މަހުގެ ފުރަތަމަ ދުވަހު އެވެ. ދެ މެޗު ވެސް ކުޅޭނީ ބެންގަލޫރުގަ އެވެ. މެޗު ފަށާނީ މިއަދު 15:00ގަ އެވެ.