ސްޕެނިޝް ސުޕަކަޕްގައި މިރޭ ރެއާލް މެޑްރިޑާއި ރެއާލް މަޔޯކާ ބައްދަލުކުރާއިރު އެއް ކަމެއް ޔަގީންވެ އެވެ.
މެޗު އެއްވަރުވެއްޖެނަމަ އެކްސްޓްރާ ޓައިމް ނުކުޅެ އޮންނާނީ ސީދާ ޕެނަލްޓު ޖެހުމެވެ. މިއީ ރެއާލް މެޑްރިޑުގެ ގޯލްކީޕަރު ތިބައޫ ކޯޓުއާ އަށް އޮތް ވަރަށް ބޮޑު ހިތްހަމަޖެހުމެކެވެ. ސައޫދީ އަރަބިއާގައި ކުޅެނިކޮށް އޭނާ މިހާތަނަށް ކުރިމަތިލާން ޖެހުނީ ފަސް ޕެނަލްޓީއަކާ އެވެ. މީގެ ތެރެއިން އޭނާ ބެލެހެއްޓި ރެއާލްގެ ގޯލަށް ވަދެފައިވަނީ އެންމެ ދެ ބޯޅަ އެވެ. މިހެންވެ ކޯޓުއާ ބުނަނީ ޕެނަލްޓީގައި އޭނާގެ އިތުބާރު ބޮޑު ކަމަށެވެ.
މެޗާ ބެހޭ ގޮތުން ވާހަކަ ދައްކަމުން ރެއާލްގެ ކޯޗު ކާލޯ އެންޗެލޯޓި ބުނީ ސުޕަކަޕަކީ ވަރަށް މުހިންމު މުބާރާތެއް ކަމަށާއި ރެއާލް އަކީ ޗެމްޕިއަންކަން ހޯދުމަށް ކަމަށެވެ. އަދި މެޗުގައި ވިނީޝިއަސް ޖޫނިއާ އަށް ކުޅެވޭގޮތްވުމަކީ ވަރަށް ބޮޑު ހިތްހަމަޖެހުމެއް ކަމަށެވެ.
"އަހަރެން އަބަދު މި ދައްކަނީ މި ވާހަކަ. އޭނާގެ ވާހަކަ ދައްކާ ދައްކާ މިހާރު ފޫހިވާވަރުވެއްޖެ. އޭނާ ޓީމުގައި ހުރުމަކީ އަހަރުމެންނަށް ލިބޭ ވަރަށް ބޮޑު ހިތްހަމަޖެހުމެއް. މިރޭ ވެސް އޭނާ ކުޅޭނެ،ރެއާލްގެ ކޯޗު ކާލޯ އެންޗެލޯޓި
ކޯޗު މިހެން ބުނީ ބްރެޒިލްގެ ފޯވަޑަށް އެންމެ ފަހުން ރެއާލް ކުޅުނު މެޗުގައި ދެއްކި ރަތްކާޑުގެ މައްސަލަ އިސްތިއުނާފު ކުރުމުން އޭނާގެ ސަސްޕެންޝަން ދެ މެޗަށް ކުޑަކޮށްދީފައިވާތީ އެވެ. އެ ސަސްޕެންޝަން އޮތަސް މި މުބާރާތުގައި ކުޅެވޭނެ ކަމަށް ނިންމުމުންނެވެ.