ހުވަދު އަތޮޅަށްކުރައްވާ ދަތުރުފުޅުގެ ފަހު ރަށެއްގެ ގޮތުން ރައީސް ދެއްވަދޫއަށް
-
ދެއްވަދޫއަށް ވަޑައިގަތުމުން ރައީސަށް ވަނީ ހޫނު މަރުޙަބާއެއް ދަންނަވާފައި
-
ހުވަދު އަތޮޅަށްކުރައްވާ ދަތުރުފުޅުގައި 9 ރަށަކަށް ވަޑައިގެންނެވި
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހުވަދު އަތޮޅަށް ކުރައްވަމުން ގެންދަވާ ދަތުރުފުޅުގެ ފަހު ރަށެއްގެ ގޮތުން ގއ. ދެއްވަދޫއަށް ވަޑައިގެންފިއެވެ.
ދެއްވަދޫއަށް ރައީސުލްޖުމްހޫރިއްޔާ ވަޑައިގަތުމުން އެ ރަށުން އެމަނިކުފާނަށް ހޫނު މަރުހަބާއެއް ކިޔާފައިވެއެވެ.
ދެއްވަދޫއަށް ވަޑައިގެން އެރަށު ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިތުރުން ރަށުގެ ރައްޔިތުންނާ ބައްދަލުކުރެއްވުމަށް ވަނީ ހަމަޖެހިފައެވެ. ދެއްވަދޫއަކީ ހުވަދުއަތޮޅަށް ރައީސުލްޖުމްހޫރިއްޔާ ކުރައްވަމުން ގެންދަވާ ދަތުރުފުޅުގެ ފަހު ރަށެވެ.
ރައީސްގެ މި ދަތުރުފުޅުގައި ދެއްވަދޫ ހިމެނޭހެން ހުވަދު އަތޮޅުގެ 8 ރަށަކަށް ވަނީ ވަޑައިގަންނަވާފައެވެ. މި ދަތުރުފުޅުގައި ރައީސުލްޖުމްހޫރިއްޔާ ވަޑައިގެންނެވި ރަށްތަކަކީ ގދ. ނަޑެެއްލާ، ގދ. ވާދޫ، ގދ. ފިޔޯރީ، ގދ. ރަތަފަންދޫ، ގއ. ކަނޑުހުޅުދޫ، ގއ. ނިލަންދޫ، ގއ. މާމެންދޫގެ އިތުރުން ގއ. ދެއްވަދޫއެވެ.
ރައީސުލްޖުމްހޫރިއްޔާ ހުވަދުއަތޮޅަށް ކުރައްވާ މި ދަތުރުފުޅަކީވެސް ރާއްޖޭގެ ހުރިހާ އަތޮޅަކަށް ޒިޔާރަތްކުރެއްވުމަށާއި އަތޮޅު، ރަށު އަދި ސިޓީ ކައުންސިލުތަކާ ބައްދަލުކުރެއްވުމަށް މިދިޔަ އަހަރު ފަށްޓަވައިގެން ކުރިއަށްގެންދަވާ ސިލްސިލާ ދަތުރުފުޅުތަކުގެ ތެރޭގައި ހިމެނޭ ދަތުރުފުޅެކެވެ.