ޔަހޫދީ އިސްތިޢުމާރީ ފައުޖާއި އެމެރިކާއާ މެދު ނުތަނަވަސްކަން ބޮޑުވެފައިވާ ދަނޑިވަޅެއްގައި، އިތުރު 1،000 އަސްކަރީ ޑްރޯން ހޯދާފައިވާ ކަމަށް އީރާނުން ބުނެފިއެވެ.
އީރާނުގެ ތަސްނީމް ނޫހުން ބުނި ގޮތުގައި، ރާޑަރުތަކުން ދެނެގަންނަން އުނދަގޫ، އަސްކަރީ ޤާބިލުކަން ހުރި މި ޑްރޯންތައް އީރާނުގެ އެކި ސަރަޙައްދުތަކަަށް މިހާރު ވަނީ ފޮނުވައިފައެވެ.
"2،000 ކިލޯމީޓަރަށްވުރެ ދުރަށް އުދުއްސޭ، ރާޑަރުތަކުން ދެނެގަންނަން އުނދަގޫ، ދިފާއީ ނިޒާމުގެ ތެރެއިން ދެމިގަނެ، އޮޓޮނޮމިކް ފްލައިޓް ފަދަ ޚާއްޞަ ސިފަތަކުގެ ސަބަބުން ވައިގެ ސަރަޙައްދާއި ބޯޑަރު މޮނިޓަރިންނާއެކު ދުރު ހިސާބުތަކަށް ދަތުރުކޮށް އީރާނުގެ ސިފައިންގެ ޑްރޯން ފްލީޓުގެ އަސްކަރީ ޤާބިލުކަން އިތުރުވެގެންދާނެ،" އީރާނުގެ ރަސްމީ ނޫހަކުން ބުނެފައިވެއެވެ.
އީރާނުން ދަނީ ދެ މަސް ދުވަހުގެ ބޮޑު އަސްކަރީ ތަމްރީން ޙަރަކާތެއް ހިންގަމުންނެވެ. މި ގޮތުން، އީރާނުގެ މައި ނިޔުކްލިޔަރ ކާރުހާނާތަކަށް އަމާޒުކޮށް ޑްރޯންތަކާއި މިސައިލް ޙަމަލާތަކުން ދިފާޢުވުމުގެ ޙަރަކާތްތައް މި ތަމްރީންގެ ތެރެއިން ދަނީ ކުރިއަށް ގެންދަމުންނެވެ.