ޗެމްޕިއަންސް ޓްރޮފީގައި ކުޅޭނެ ބުންވަރު އިންޑިއާގެ ބާރު އުކުންތެރިޔާ ޖަސްޕްރީތު ބުމްރާގެ ކިބައިގައި ހުރިތޯ އިނގިރޭސިވިލާތާއެކު އަންނަ މަހު ކުޅޭ މެޗުގައި ޓެސްޓުކުރަން ނިންމައިފިއެވެ.
ޕާކިސްތާނުގައި އަންނަ މަހު ފަށާ މުބާރާތުގައި ބުމްރާ ލައްވައި ކުޅުވާނީ ފެބްރުއަރީ މަހުގެ 12 ވަނަ ދުވަހު އަހުމަދު އާބާދުގައި ކުޅޭ މި މެޗުގައި ފިޓްނަސައިން ފާސްވެއްޖެނަމަ އެވެ. އިންޑިޔާގެ މެޑިކަލް ޓީމާއި ބޯޑް އޮފް ކޮންޓްރޯލް ފޯ ކްރިކެޓް (ބީސީސީއައި) އިން ބުނެފައިވަނީ ކަނާތުން އުކާ ކުޅުންތެރިޔާ އަށް ކިރިޔާ ވެސް ކުޅެން ފެށޭނީ ފެބްރުއަރީ 6 އަދި 9ގައި ކުޅޭ މެޗަށް ފަހު ކަމަށެވެ.
އިންޑިޔާ ޓީމުގެ ސެލެކްޓަރުންނާއި މެނޭޖްމަންޓުން އުއްމީދު ކުރަނީ އެމީހުންގެ ޕްލޭނާ އެއްގޮތަށް ބުމްރާ މި މެޗުގައި އޭނާގެ ފިޓްނަސް ޓެސްޓުން ފާސްވާނެ ކަމަށެވެ. ސަބަބަކީ އޭނާ ޗެމްޕިއަންސް ޓްރޮފީ ކުޅެން އެކުލަވާލި 15 ކުޅުންތެރިންގެ ސްކޮޑުގައި އޭނާ ހިމަނާފައިވުމެވެ.
އިންޑިޔާގެ ސެލެކްޓަރުންގެ ޓީމުގެ ޗެއާމަން އަޖިތު އަގަރްކަރް ބުނީ ބުމްރާ އަށް ނުކުޅެވޭނަމަ އެތަން ފޫބައްދަން ސްކޮޑުގައި ހިމަނާފައިވާ ކުޅުންތެރިއަކީ ބާރު އުކުންތެރިޔާ ހަރްޝިތް ރާނާ ކަމަށެވެ.
ޗެމްޕިއަންސް ޓްރޮފީގައި އިންޑިޔާ ކުޅޭ ޓީމުގައި މަޝްހޫރު ކުޅުންތެރިން ވަނީ ހިމަނާފަ އެވެ. އޭގެ ތެރޭގައި ވަނީ ކެޕްޓަން ރޯހިތް ޝަރްމާ އާއި ވައިސް ކެޕްޓަން ޝުބްމަން ގިލް އާއި ވިރާތް ކޯލީ އާއި ކޭއެލް ރާހުލް އާއި ޔުލްދީޕް ޔަދޭވް، އަރްޝްދީޕް ސިންގް އެވެ.
މުބާރާތުގައި އިންޑިޔާގެ ހުރިހާ މެޗެއް ކުޅޭނީ ޑުބާއީގަ އެވެ. އެއީ ސިޔާސީ ސަބަބަކަށްޓަކައި އިންޑިޔާ ސަރުކާރުން ޓީމު ޕާކިސްތާނަށް ދާން ހުއްދަ ނުދޭތީ އެވެ.