ރައީސުލްޖުމްހޫރިއްޔާ ރ.އަނގޮޅިތީމަށް ވަޑައިގެންފި
-
އަނގޮޅިތީމުގެ ރައްޔިތުންނާ ރައީސް ބައްދަލުކުރައްވާނެ
-
ބީއެމްއެލް އޭޓީއެމްގެ މަސައްކަތް ކައުންސިލާ ހަވާލުކުރުން ކުރިއަށްދާނެ
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ރ.އަނގޮޅިތީމަށް ވަޑައިގެންފިއެވެ.
ރައީސުލްޖުމްހޫރިއްޔާއަށް މަރުހަބާ ދެންނެވުމަށް އަނގޮޅިތީމުގެ ގިނަ ބަޔަކު ބަނދަރު ސަރަޙައްދަށް ނިކުމެފައިވެއެވެ.
ރައީސުލްޖުމްހޫރިއްޔާގެ މިދަތުރުފުޅުގައި އަނގޮޅިތީމު ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީއާއި ރަށުގެ މުއައްސަސާތަކުގެ އިސްވެރިންނާ ބައްދަލުކުރައްވާނެއެވެ. އަދި ރަށުގެ ރައްޔިތުންނާވެސް އެމަނިކުފާނު ބައްދަލުކުރައްވާނެއެވެ. އަނގޮޅިތީމު ރައްޔިތުންނާ ބައްދަލުކުރެއްވުމަށް ބާއްވާ ޖަލްސާގެ ތެރޭން، ބީއެމްއެލްގެ އޭޓީއެމް އަނގޮޅިތީމުގައި ބެހެއްޓުމުގެ މަސައްކަތް އެރަށުގެ ކައުންސިލާ ހަވާލުކުރުމަށް ވަނީ ހަމަޖެހިފައެވެ.
އަނގޮޅިތީމަށްފަހު ރައީސުލްޖުމްހޫރިއްޔާ މިއަދު ދެން ވަޑައިގަންނަވާނީ އުނގޫފާރަށެވެ.
ރައީސުލްޖުމްހޫރިއްޔާ ރ.އަތޮޅަށް ކުރައްވާ މިދަތުރުފުޅުގައި އެއަތޮޅުގެ 11 ރަށަކަށް ވަޑައިގަންނަވާނެއެވެ.
ރައީސްގެ މިދަތުރުފުޅަކީ ރައްޔިތުންގެ ޙާލަތު ގާތުން ބެއްލެވުމަށް ކުރައްވާ ސިލްސިލާ ދަތުރުފުޅެކެވެ. އެމަނިކުފާނުގެ ޢަމާޒަކީ ދަޢުރުގެ ތެރޭގައި މީހުން ދިރިއުޅޭ ކޮންމެ ރަށަކަށް ދެ ފަހަރު ވަޑައިގެންނެވުމެވެ.