އިމިގްރޭޝަން ދާއިރާއިން މަޢުލޫމާތު ބަދަލުކުރުމާއި ތަމްރީންތައް އިތުރުކުރުމަށް ސަޢުދީއާއެކު މަޝްވަރާކޮށްފި
-
މި މަޝްވަރާތައް ކޮށްފައިވަނީ ސަޢުދީގެ ޖެނެރަލް ޑައިރެކްޓްރޭޓް އޮފް ޕާސްޕޯޓްސްއާއެކު
-
މި ދާއިރާއިން އިންޓެލިޖެންސް މަޢުލޫމާތު ބަދަލުކުރުމަށްވެސް މަޝްވަރާކުރެވުނު
އިމިގްރޭޝަންގެ ދާއިރާއިން މަޢުލޫމާތު ބަދަލުކުރުމާއި ތަމްރީން ފުރުޞަތުތައް އިތުރުކުރުމާ ގުޅޭގޮތުން ދިވެހިރާއްޖެއިން ސަޢުދީ ޢަރަބިއްޔާއާއެކު މަޝްވަރާކުރައްވައިފިއެވެ.
މި މަޝްވަރާތައް ކުރައްވާފައިވަނީ ސަޢުދީ ޢަރަބިއްޔާގެ ޖެނެރަލް ޑައިރެކްޓްރޭޓް އޮފް ޕާސްޕޯޓްސްގެ ދަޢުވަތަކަށް ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދު ސަޢުދީގެ ވެރިރަށް ރިޔާޒަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިންނެެވެ.
At the invitation of Saudi Arabia’s General Directorate of Passports, the Controller General of Immigration, @ShamaanW, visited Riyadh and met with Saudi Arabia’s General Directorate of Passports, Major General Dr. Saleh Almirba and other key officials.
— Maldives Immigration (@ImmigrationMV) January 23, 2025
The delegation received a… pic.twitter.com/ztcXmlaKei
މި ދަތުރުފުޅުގެ ތެރެއިން ކޮންޓްރޯލަރ ޖެނެރަލް އޮފް އިމިގްރޭޝަން ޝަމްޢާން ވަނީ ސަޢޫދީ ޢަރަބިއްޔާގެ ޖެނެރަލް ޑައިރެކްޓްރޭޓް އޮފް ޕާސްޕޯޓްސް މޭޖަރ ޖެނެރަލް ޑރ. ސާލިޙް އަލްމިރްބާއާއި، ސަޢޫދީ ޢަރަބިއްޔާގެ އިސް އޮފިޝަލުންނާ ބައްދަލުކުރައްވާފައެވެ.
މި ބައްދަލުކުރެއްވުމުގައި ވިސާ ދޫކުރުމާއި، ބޯޑަރ މެނޭޖްމަންޓާއި ސްކިލް ޑިވެލޮޕްމަންޓް ފަދަ އިމިގްރޭޝަން މަރުހަލާއާ ބެހޭ ގޮތުންވަނީ މަޢުލޫމާތު ބަދަލުކުރައްވާފައެވެ. އަދި އިމިގްރޭޝަން އޮފިސަރުން ތަމްރީނު ކުރުމުގެ ފުރުސަތުތަކާއި، މައުލޫމާތު ބަދަލުކުރުމާއި، އިންޓެލިޖެންސް ހިއްސާކުރުމާ ބެހޭގޮތުންވެސް މަޝްވަރާ ކުރައްވާފައިވާކަމަށް މޯލްޑިވްސް އިމިގްރޭޝަނުން ވިދާޅުވިއެވެ.