ޚަބަރު
ބްރިޖު ހައިވޭގައި ހިނގި އެކްސިޑެންޓެއްގައި މީހަކު މަރުވެއްޖެ
-
އެކްސިޑެންޓު ހިންގީ 8:19 އެހައިކަށްހާއިރު
-
އެކްސިޑެންޓުގައި މަރުވެފައިވަނީ ބަންގްލަދޭޝް ފިރިހެނެއް
ހައިވޭގައި ދުއްވާ އުޅަދުތައް ފުލުހުން ޗެކްކުރުން / ފޮޓޯ: މުޙައްމަދު ވަޙީދު، ޕީ.އެސް.އެމް ނިއުސް
ބްރިޖު ހައިވޭގައި ހިނގި އެކްސިޑެންޓެއްގައި މީހަކު މަރުވެއްޖެއެވެ.
މިއެކްސިޑެންޓު ހިންގާފައިވަނީ، މިއަދު ހެނދުނު 8:19 އެހައިކަށްހާއިރުއެވެ. ފުލުހުން ވިދާޅުވީ މި އެކްސިޑެންޓު ހިނގަން މެދުވެރިވީ ހުޅުމާލެއިން މާލެ އަންނަ ލޭންގެ ސޯލާ ޕެނަލްތައް ކައިރީގައި މަސައްކަތްކުރާ ކަން އަންގައިދޭން ބަހައްޓާފައި ހުރި ކޯނެއްގައި، ސައިކަލެއް ޖެހިގެން ކަމަށެވެ.
މި އެކްސިޑެންޓުގައި އަނިޔާވި މީހާއަށް އައިޖީއެމްއެޗްގައި ފަރުވާ ދެމުން ދަނިކޮށް 9:05 ހާއިރު މަރުވެފައިވާކަމަށް ފުލުހުން ވިދާޅުވެއެވެ. މި އެކްސިޑެންޓުގައި މަރުވެފައިވަނީ ބަންގްލަދޭޝް ފިރިހެނެކެވެ.
ފުލުހުން ވަނީ މިމައްސަލަ ތަހުޤީޤުކުރަމުންދާ ކަމަށް ވިދާޅުވެފައެވެ.