ލީނާގެ ކޮޓަރީގެ ކުޑަދޮރުން އެތެރެއަށް ވަދެގެން އައި ހަނދުވަރުގެ އަލިކަމުގައި، އޭނާގެ މޫނުމަތީގައި އެޅުނު ހިޔަނި ރީތިކޮށް ފެނުނެވެ. އޭނާގެ ދިގު އިސްތަށިގަނޑު ބުރުސީން އަޅަމުން، ނިދަން ދިއުމުގެ ކުރިން އާދަވެފައިވާ ގޮތަށް ލޯމަރާލައިގެން ޑްރެސިން ޓޭބަލް ކައިރީގައި އިނެވެ. ކުއްލިއަކަށް އޭނާގެ ހިތަށް އެރި ޚިޔާލަކާއެކު، އޭނާގެ ލޮލުން ކަރުނަ ފާއްދާލިއެވެ.
"ޗާންދް ކީ ރޯޝްނީ މޭ، މޭރާ ޣަމް ޛާހިރް ހޯ ރަހާ ހޭ..." ލީނާ މަޑުމަޑުން ކިޔާލިއެވެ. ހަނދުގެ އަލިކަމުގައި އޭނާގެ ހިތާމަ ފާޅުވަމުންދާކަން އިހުސާސް ކުރެވުނެވެ. ލީނާގެ ހިތުގައި އުފެދުނު ވޭނުގެ އަޑު އޭނާގެ ނޭވާއާއެކު ބޭރުވަމުން ދިޔައެވެ. ކޮޓަރީގެ މަޑުމައިތިރި ވައިރޯޅި އޭނާގެ ކަރުނައިގެ ފިނިކަމާ ބައްދަލުވެ، އޭނާގެ ކޯތާފަތުގައި ފިނީގެ ރާޅެއް އުފެދުނު ކަހަލައެވެ. ލީނާގެ ހިތުގެ އަޑިން އުފެދުނު ސުވާލުތަކުގެ ވަށައިގެން އޭނާގެ ޚިޔާލުތަކުގެ އަސް ދުއްވަމުން ދިޔައެވެ.
"ކީއްވެބާ އަހަރެން މިހާ އެކަނިވެރިވީ؟ ކޮބާ އަހަރެންގެ ހަޔާތުގެ އުފާވެރިކަން؟ ކޮބާ އަހަރެންގެ ލޯބިވާ މީހުން؟" މިފަދަ ސުވާލުތަކުގެ ޖަވާބު ހޯދުމަށް އޭނާ މަސައްކަތް ކުރަމުން ދިޔައެވެ.
ލީނާގެ ހިތުގެ އަޑިން އުފެދުނު ރުއިމުގެ އަޑު، އޭނާގެ ކަރުގައި ހިރުގަނޑެއް އެޅިފައިވާ ފަދައިން އިހުސާސްވިއެވެ. އޭނާގެ ހިތުގެ ވޭނުގެ ބަރުދަން، އޭނާގެ ކޮނޑުގައި އެޅިފައިވާ ފަދައިން ދެރަވެ ކަންބޮޑުވިއެވެ. ކުއްލިއަކަށް އޭނާގެ ހަނދާނަށް އައި ހަނދާނަކާއެކު، އޭނާގެ ހިތުގެ ވޭން އިތުރަށް ބޮޑުވެގެން ދިޔައެވެ.
"އާހް! އަދިވެސް އަހަރެންނަށް އޭނާގެ ހަނދާންތައް ނައްތާނުލެވޭ..." ލީނާ އަމިއްލަ ނަފުސަށް ބުނެލިއެވެ. އޭނާގެ ހިތުގެ އެންމެ ފުން މިނުން ވަޅުލެވިފައިވާ ލޯތްބެއްގެ ވާހަކައެވެ. އެ ލޯބި އަދިވެސް އޭނާގެ ހިތުގައި ދިރިއުޅޭކަން އިހުސާސްކުރެވުނު ކަހަލައެވެ.
ފުރަމެންދަމުގެ ހަމަ ހިމޭންކަމުގައި، ލީނާގެ ހިތުގެ އަޑު އިވެމުންދިޔައެވެ. އެކަނިވެރިކަމުގެ ވޭނާއި، ގެއްލިފައިވާ ލޯތްބެއްގެ ހަނދާންތަކާއި، އަދި އަލުން އުފާވެރިކަން ހޯދުމުގެ އުއްމީދު، މި ހުރިހާ އިހުސާސްތަކެއް އެއްފަހަރާ އޭނާގެ ހިތުގައި އުފެދެމުން ދިޔައެވެ.
ލީނާ ބޮލުގެ އިސްތަށި ގަނޑު އޮމާން ކުރަން ގެންގުޅުނު ބުރުސް މޭޒް މަތީ ބާއްވާލުމަށްފަހު، އޭނާ އެނދުގެ ކައިރިއަށް ޖެހިލިއެވެ. އޭނާގެ ލޮލުގައި އަދިވެސް ކަރުނަ ހުއްޓެވެ. އެހެންނަމަވެސް، އޭނާގެ ހިތުގައި ކުޑަ އުއްމީދެއްގެ އަލިކަމެއް ފެންނަކަހަލަ އިހުސާސެއް ކުރެވުނެވެ. ލީނާ އޭނާގެ އެނދުގައި އޮށޯވެލަމުން، ބާލީހުން މޫނު ފޮރުވާލިއެވެ. އޭނާގެ ހިތުގެ އަޑިން އަންނަ ރުއިމުގެ އަޑު، ބާލީހުގެ ފޮތިގަނޑުން ވަށައިގެންވާ ހިމޭންކަމާ ގުޅިގެން ދިޔައެވެ. އޭނާގެ ހަށިގަނޑު ކުޑަކޮށް ތުރުތުރު އަޅަމުން ދިޔައެވެ.
ލީނާ އަކީ އުމުރުން ތިރީސް އަހަރުވެފައިވާ ޒުވާން އަންހެން ކުއްޖެކެވެ. އޭނާގެ ކުރީގެ ފިރިމީހާ އެހެން އަންހެނެއް ފެނި ލީނާ ދޫކޮށް، އެހެން މީހަކާ އިނދެގެން ދިޔަތާ މިހާރު ދޮޅު އަހަރު ވަނީ އެވެ. އެދުވަހުން ފެށިގެން ލީނާގެ ދުނިޔެ ބަދަލުވެގެން ދިޔައެވެ. ކުރިން އުފާވެރިކަމާއެކު ހޭދަކުރަމުން ދިޔަ ދުވަސްތައް، މިހާރު ވަނީ ހިތާމައާއި ހުސްކަމުގެ ތެރެއަށް ވެއްޓިފައެވެ.
"ދިލް ކީ ދުނިޔާ އުޖާޑް ހޯ ގައީ، ޕިޔާރް ކާ ސާޔާ ދޫރް ހޯ ގަޔާ..." ލީނާ އަނެއްކާވެސް ވިސްނުމުގެ ތެރެއަށް ގެއްލިގެންދިޔައެވެ. އޭނާގެ ހިތުގެ ދުނިޔެ ހަލާކުވެ، ލޯބީގެ ހިޔަނި ދުރުވެގެން ގޮސްފައިވާ ކަހަލައެވެ.
ލީނާގެ ހިތުގައި އުފެދުނު ހުސްކަން ފުރާލުމަށް، އޭނާ މަސައްކަތުގައި އިތުރަށް ވަގުތު ހޭދަކުރަން ފެށިއެވެ. އެހެންނަމަވެސް، ގޭގައި އެކަނި ހުންނަ ވަގުތުތަކުގައި، އޭނާގެ ހިތުގެ ވޭން އާވެގެން ދެއެވެ. ކުރީގެ އުފާވެރި ހަނދާންތައް އޭނާގެ ހިތަށް އަންނަ ކޮންމެ ފަހަރަކު، އޭނާގެ ލޮލުން ކަރުނަ އޮހޮރެއެވެ. ފުރަމެންދަމުގެ އެކަނިވެރިކަން އޭނާގެ ނިދި ގެއްލުވައިލައިފައިވާ ކަހަލައެވެ.
ކުއްލިއަކަށް ލީނާގެ ފޯނު ރިންގުވާން ފެށިއެވެ. އެއީ އޭނާގެ އެންމެ ގާތް ރަހުމަތްތެރިޔާ ޢާއިޝަތުގެ ފޯނެކެވެ. ޢާއިޝަތަކީ ލީނާގެ ހިތުގެ އަޑު އަހައި، އޭނާއަށް ހިތްވަރުދޭން ހުރި އެންމެގާތް މިތުރެވެ. "ލީނާ، ކިހިނެއް ވީ؟ އަދިވެސް ނުނިދިގެންތަ އުޅެނީ؟" ޢާއިޝަތު ކަންބޮޑުވުމާ، ހާސްކަމާއެކު އަހާލިއެވެ. "އާނ އާސްތު މިއަދު ވަރަށް ބޮޑަށް ހިތްދަތިވޭ، ޔާދޯން ކާ ސައިލާބް އާ ގަޔާ ހޭ..." ލީނާ ޖަވާބު ދިނެވެ. ހަނދާންތަކުގެ ހާލެއް އައިސްފައިވާކަމަށް ބުނެ އޭނާގެ ހިތުގެ ވޭނު ހާމަކޮށްލިއެވެ. "ލީނާ، ތިހެން ނުބުނޭ، އަހަރެން ބުނާނީ، ވަޤްތު ސަބް ކުޗް ބަދަލް ދޭތާ ހޭ، ވަގުތު ހުރިހާ އެއްޗެއް ބަދަލުކޮށްލާނެޔޭ، ކެތްތެރިވާށޭ." ޢާއިޝަތު ބުންޏެވެ.
އެ ރޭ ލީނާ އާއި ޢާއިޝަތު ވަރަށް ގިނައިރު ވާހަކަ ދައްކަން ތިއްބެވެ. ޢާއިޝަތުގެ ބަސްތަކުން ލީނާގެ ހިތަށް ހިތްވަރު ލިބުނެވެ. އަދި އޭނާގެ ހިތާމައިގެ ބަނަކަން ކުޑަކޮށް ފިލައިގެން ދިޔައެވެ. ދުނިޔެ އާއި މެދު އުއްމީދީ ނަޒަރަކުން ވިސްނާލުމުގެ ފުރުޞަތު ފަހިވިއެވެ.
ތިނެއްޖެހުމާއި ކައިރިވަމުން ދަނިކޮށް ލީނާ ނިދަން އޮށޯވެލިއެވެ. އޭނާގެ ހިތުގައި އުއްމީދުގެ އައު އަލިކަމެއް ފެށިގެން އައެވެ. "ޒިންދަގީ އޭކް ނައީ ސުބަޙް ކާ އިންތިޒާރް ހޭ..." ލީނާ ވިސްނާލަމުން ލޯމަރާލިއެވެ. ދިރިއުޅުމަކީ އާ ހެނދުނަކަށް އިންތިޒާރުކުރުން ކަމަށް އޭނާއަށް އިޙްސާސްކުރެވުނެވެ.
ހިތާމައިގެ އަނދިރި ރޭގަނޑުގެ ތެރެއިން، އުއްމީދުގެ އައު ފަތިހެއް އަލިކަން ފެންނަ ކަހަލައެވެ. ލީނާގެ ހިތުގެ ވޭނުގެ ކަޅު ވިލާތައް އޮއްސި އައު ދުވަހެއްގެ އަލިކަން އޭނާގެ ދިރިއުޅުމަށް ވަދެގެން އަންނަ ކަހަލައެވެ. ޢާއިޝަތުގެ ރަޙުމަތްތެރިކަމުގެ ފިނިހިޔަލު ގައި، ލީނާގެ ހިތުގެ ހުސްކަން ފުރެމުންދެއެވެ. މާޒީގެ ހަނދާންތަކުގެ ކަރުނައިގެ ތެރެއިން، މުސްތަޤުބަލުގެ ހިނިތުންވުމެއް އުފައްދަމުންނެވެ.
އިރުގެ އަލިކަން ދުނިޔެ އަށް ފޯރުކޮށްދީ އައު ދުވަހެއް ފެށިކަން ޢިއުލާންކުރިއެވެ. ހާލާއި ކާޅުގެ އަޑުން މުޅި ޖައްވުގައި ގުގުމާފައިހުއްޓެވެ. އުދަރެހުގައި ރަތްވިލާގަނޑު ފެތުރި، އިރުގެ ރަން ދޮންވެލި އުފެދެމުން ދިޔައެވެ. ގަސްތަކުގެ ފަތްތަކުގައި ޖެހިފައިވާ ޝަބްނަމުގެ ފިނިފެންފޮދުތައް، މުތީ ތަކެއް ފަދައިން އިރުގެ އަލިކަމުގައި ވިދަވިދާ ހުއްޓެވެ.
ލީނާ އަށް ހޭލެވުނުއިރު، އޭނާގެ ހިތުގައި އައު ހިތްވަރެއް އުފެދިފައިވާކަމުގެ އިހުސާސްކުރެވުނެވެ. ކުޑަދޮރުން އެތެރެއަށް ވަންނަ އިރުގެ ދޯދިތައް، އޭނާގެ ކޮޓަރީގައި ރަން ކުލައިގެ އައު ދިރުމެއް ގެނުވައިދޭ ކަހަލައެވެ. އޭނާ ނިންމިއެވެ. މިއަދު ތަފާތު ގޮތަކަށް ދުވަސް ފަށާނަމެވެ.
"އާޖް ކާ ދިން، ނައީ އުއްމީދޯންކާ ސާތް ޝުރޫ ހޯގާ..." ލީނާ ލޯމަރާލައިގެން ހިނިތުންވެލަމުން ވިސްނާލިއެވެ. މިއަދުގެ ދުވަސް އާ އުއްމީދުތަކަކާއެކު ފެށޭނެކަމަށް އޭނާ ޤަބޫލުކުރިއެވެ.
ލީނާ ކޮޓަރީގެ ކުޑަދޮރު ހުޅުވާލިއެވެ. ތާޒާ ވައިރޯޅި އޭނާގެ މޫނުގައި ޖެހުމުން، އޭނާގެ ހިތަށް އައު ހިތްވަރެއް ލިބިގެންދިޔަ ކަހަލައެވެ. އުދަރެހުގައި ދުރުން ފެންނަ ރީތި މަންޒަރު، އޭނާގެ ހިތުގައި އުފާވެރިކަމުގެ ކުލަތަކެއް ޖައްސާލިއެވެ. ދޫނިތައް ގޮވާއަޑާ، ފިޔަޖަހާ އަޑު، އޭނާގެ ކަންފަތުގައި އާ ދުވަހެއްގެ މިއުޒިކެއް އުފައްދާލިފަދައެވެ.
ލީނާ ނިންމީ މިއަދު އޭނާގެ ވަޒީފާއަށް ދިއުމުގެ ކުރިން، ގޮނޑުދޮށަށް ގޮސް ހިނގާލުމަށެވެ. އޭނާ ގޮނޑުދޮށަށް ދިޔައިރު، އަރަމުންދިޔަ ބުރުހަމަ ރީތި އިރުގެ މަންޒަރު ފެނި، އޭނާގެ ހިތަށް ހަމަޖެހުމެއް ލިބުނެވެ. "ސޫރަޖް ކީ ކިރްނޯން މޭ، ނައީ އުންމީދް ކާ ޕައިޣާމް ހޭ..." ލީނާ މަޑުމަޑުން ކިޔާލިއެވެ. އިރުގެ ދޯދިތަކުގައި އާ އުއްމީދެއްގެ މެސެޖެއް ވާކަމަށް އޭނާއަށް އިޙްސާސްކުރެވުނެވެ. އަދި އިރުގެ ފުރަތަމަ އަލިކަމުގައި، އޭނާގެ ދިރިއުޅުމުގެ އައު ބާބެއް ފަށައިގަންނާނީއެވެ. އޭނާގެ މޫނުމަތީގައި ފެތުރުނު ހިނިތުންވުމަކީ، ގިނަ ދުވަސްތަކެއްގެ ފަހުން އުފެދުނު އެންމެ އުޖާލާ ހިނިތުންވުމެވެ.
ގޮނޑުދޮށުގައި ހުއްޓާ، ލީނާއަށް ފެނުނީ ކައިރީގައި ހުރި ބެންޗެއްގައި އިން ޒުވާން ފިރިހެނެކެވެ. އޭނާ ފޮތެއް ކިޔަމުންދާ މަންޒަރު ފެނި، ލީނާގެ ސަމާލުކަން އެ ފަރާތަށް ދިޔައެވެ. ކުއްލިއަކަށް އެ ޒުވާނާ ލީނާއާ ދިމާލަށް ބަލާލި ވަގުތު، އެ ދެމީހުންގެ ހަތަރު ކަޅި ބައްދަލުވިއެވެ. އަދި ލީނާ މަޑުމަޑުން އެޒުވާނާކައިރިއަށް ޖެހިލިއެވެ.
"އައްސަލާމް ޢަލައިކުމް، ތީ ކޮން ފޮތެއްތޯ؟" ލީނާ ހިތްވަރުކޮށްލައިގެން އެ ޒުވާނާއާ ސުވާލުކުރިއެވެ.
"ވަޢަލައިކުމް އައްސަލާމް، މިއީ ރޫމީގެ ޝާއިރީ ފޮތެއް." އެ ޒުވާނާ ހިނިތުންވެލަމުން ޖަވާބު ދިނެވެ.
އެ ދެމީހުންގެ މެދުގައި ފެށުނު ވާހަކަ ދިގުލައިގެން ދިޔައެވެ. އެ ޒުވާނާގެ ނަމަކީ ރަޒީން ކަމާއި، އޭނާ ވެސް ޝާއިރީ ޣަޒަލުތަކަށް ލޯބިކުރާ މީހެއްކަން ލީނާއަށް އެނގުނެވެ. އެ ދެމީހުންގެ މެދުގައި އުފެދުނު ގުޅުމަކީ، އެ ދެމީހުންގެ ހިތުގައި އާ އުއްމީދެއް އުފެއްދި އެއްޗަކަށް ވިއެވެ.
"ދިލް ކޯ ދިލް ސޭ ޖޯ މިލްތާ ހޭ، ވޯ މުލާޤާތް ހޯތީ ހޭ..." ލީނާ ވިސްނާލިއެވެ. ހިތާ ހިތް ބައްދަލުވުމަކީ، ޙަޤީޤީ ބައްދަލުވުމެއްކަން އޭނާއަށް އިޙްސާސްކުރެވުނެވެ.
ގޮނޑުދޮށުގެ ރާޅުތަކުގެ މަޑުމައިތިރި އަޑު، އެ ދެމީހުންގެ ވާހަކައިގެ މެލޮޑީއާ ގުޅިލާމެހިގެން ދިޔައެވެ. އުދަރެހުގައި ވިދާ އިރުގެ ރަންކަން، އެ ދެމީހުންގެ ހިތުގައި އުފެދެމުންދިޔަ އުއްމީދުގެ އަލިކަމެއް ހެން ހީވިއެވެ.
"ޒިންދަގީ މޭން ނަޔާ ސަފަރް ޝުރޫ ހޯ ރަހާ ހޭ..." ރަޒީން މަޑުމަޑުން ކިޔާލިއެވެ. ދިރިއުޅުމުގައި އާ ދަތުރެއް ފެށިގެންދާ ކަމުގެ އިޝާރާތެއް ކަހަލައެވެ.
ލީނާގެ ހިތުގައި އުފެދުނު އިހުސާސްތައް، އޭނާގެ ލޮލުގައި ފެންނަން ހުރި ކަހަލައެވެ. ހިތާމައިގެ އަނދިރިކަމުގެ ތެރެއިން، އުއްމީދުގެ އަލިކަމެއް ލީނާއަށް ފެންނަމުންދާ ކަހަލައެވެ. ލީނާ ހިތުގެ އަޑިން ވިސްނާލިއެވެ.
އެ ދެމީހުން ވާހަކަދައްކަމުން ދިޔައިރު، ވަގުތުގެ ހިނގުން ހުއްޓުނު ކަހަލައެވެ. ޝާއިރީ ބައިތުތަކާއި، ފިލޯސަފީ ޚިޔާލުތަކާއި، ދިރިއުޅުމުގެ ތަޖުރިބާތައް ޙިއްސާކުރެވެމުން ދިޔައެވެ. ލީނާގެ ހިތުގެ ހުސްކަން ފުރެމުންދިޔައެވެ. ރަޒީންގެ ހިތުގައިވެސް އައު އުއްމީދެއްގެ ނިޝާންތައް ފާޅުވަމުންދިޔައެވެ. ރަޒީންގެ ހިތަށް އަރަމުން ދިޔައެވެ. "ފަހަރެއްގައި މިއީ އެ ބަދަލުވާ ދަނޑިވަޅުކަމަށްވެ، އަލުން ދިރިއުޅުން ހިނިތުން ކުރުވާ ވަގުތު ކަމަށް ވާނަމައެވެ."
ލީނާގެ ހިތުގައި އުފެދުނު އިހުސާސްތައް، އޭނާގެ މޫނުމަތީގައި ކުލަ ޖައްސަމުން ދިޔައެވެ. އޭނާގެ ލޮލުގައި ދިއްލިގެން ދިޔަ އުއްމީދުގެ އަލިކަން، ރަޒީންގެ ނަޒަރުން ވެސް ފޮރުވިގެން ނުދިޔައެވެ. "ތުމްހާރީ އާންކޯން މޭން، މުޖޭ އޭކް ނަޔާ ޖަހާން ނަޒަރް އާ ރަހާ ހޭ..." ރަޒީން ލީނާއަށް ބަލަމުން ބުންޏެވެ. ލީނާގެ ލޮލުގައި އޭނާއަށް އާ ދުނިޔެއެއް ފެންނަމުންދާ ކަމަށް ބުނާހެންނެވެ. އެވަގުތު ލީނާގެ ހިތުގެ ވިންދު އަވަސްވެގެން ދިޔައެވެ. އޭނާގެ ހިތުގައި އުފެދުނު އިހުސާސްތަކަކީ، އޭނާއަށް އައު ތަޖުރިބާއެއް ކަހަލައެވެ. "ކިސީ އަޖްނަބީ ސޭ ޔޫން މިލްނާ، ޖޭސޭ ސަދިޔޯން ސޭ ރިޝްތާ ހޯ..." ލީނާ ހިތުގެ އަޑިން ވިސްނާލިއެވެ. މުޅިން ނުދަންނަ މީހަކާ މިހެން ބައްދަލުވުމަކީ، އަހަރުތަކެއް ވަންދެން ދެމިގެންދާ ގުޅުމެއްގެ ފެށުން ކަހަލަ ކަމެކެވެ.
ގޮނޑުދޮށުގެ ވެލިގަނޑުގައި އެ ދެމީހުން ހިނގަމުން ދިޔައިރު، އެ ދެމީހުންގެ ފިޔަވަޅުތަކާ އެއް ރިދަމަކަށް ރާޅު ބީއްސަމުން ދިޔައެވެ. ކަނޑުގެ ރާޅުތައް އެއްފަހަރާ ގޮނޑުދޮށަށް އަރަމުންދިޔަ ފަދައިން، އެ ދެމީހުންގެ ހިތްތައް ވެސް އެއް އަމާޒަކަށް ދަތުރުކުރަމުންދާ ކަހަލައެވެ.
އެ ދެމީހުންގެ މެދުގައި އުފެދުނު ގުޅުމަކީ، އެ ދެމީހުންގެ ހިތުގައި އައު އުއްމީދެއް އުފެއްދި އެއްޗަކަށް ވިއެވެ. ޝާއިރީ ބަސްތަކާއި، ފުން ވިސްނުން ތަކާއެކު، އެ ދެމީހުންގެ ހިތްތައް ގުޅި، އެކަކު އަނެކަކަށް ހާމަނުކުރެވި ހުރި އިހުސާސްތައް ހާމަކުރެވުނެވެ. "ދޯ ދިލް މިލް ގަޔޭ އާޖް، ޖޭސޭ ދޯ ކިނާރޭ މިލްތޭ ހޭން..." ރަޒީން މަޑުމަޑުން ކިޔާލިއެވެ. ދެ ހިތެއް މިއަދު ބައްދަލުވެއްޖެ ކަމަށް، ދެ އައްސޭރި ބައްދަލުވާ ފަދައިން ބުނާހެންނެވެ.
އިރުއަރާ އުދަރެހުގައި ވިދާ ރަން ކުލަތައް، އެ ދެމީހުންގެ ހިތުގައި އުފެދުނު އުއްމީދުގެ ނިޝާނެއް ކަހަލައެވެ. ގޮނޑުދޮށުގެ ރާޅުތަކުގެ އަޑު، އެ ދެމީހުންގެ ހިތުގެ ވިންދާ އެއްފަދަ ކަހަލައެވެ. ލީނާ އާއި ރަޒީން، އެކަކު އަނެކަކަށް ބަލާލިއެވެ. އެ ދެމީހުންގެ ލޮލުގައި އުފެދުނު ޖަޒުބާތާއި ތުންފަތުން ފާޅުވި ހިނިތުންވުމަކީ، އާ ފެށުމެއްގެ ހެކިއެކެވެ. އެކަނިވެރިކަމުގެ ވޭނުން އަރައިގަނެ، އުފާވެރި މާދަމާއަކަށް ދަތުރުކުރާނެ ކަމުގެ ޔަޤީންކަމެކެވެ.
"ޝާޔަދް ހަމާރީ ކަހާނީ، އަބް ސޭ ޝުރޫ ހޯތީ ހޭ..." ރަޒީން ލީނާގެ އަތުގައި ހިފަހައްޓާލަމުން ބުންޏެވެ. ފަހަރެއްގައި އެ ދެމީހުންގެ ވާހަކަ މިހިނދުން ފެށިގެންދާ ކަމަށް ބުނާހެންނެވެ. އެހެންގޮސް، އެ ދެމީހުންގެ ހިތުގެ އަޑިން އުފެދުނު ލޯބީގެ ނަޣްމާ، ގޮނޑުދޮށުގެ ވައިރޯޅިއާއެކު ފެތުރިގެން ދިޔައެވެ. ފުރަމެންދަމުގެ އެކަނިވެރިކަމުގެ އަނދިރިކަން ފިލައިގެން ގޮސް، އައު ދުވަހެއްގެ އުޖާލާކަން އެ ދެމީހުންގެ ދިރިއުޅުމަށް ވަދެގެން ދިޔައެވެ.
އެ ދުވަހަށްފަހު، ލީނާ އާއި ރަޒީން ގަވާއިދުން ބައްދަލުކުރަން ފެށިއެވެ. އެ ދެމީހުންގެ ގުޅުމުގެ ސަބަބުން، ލީނާގެ ހިތުގައި އޮތް ހިތާމަ ފިލައިގެން ދިޔައެވެ. އަދި އޭނާގެ ދިރިއުޅުމަށް އައު އުއްމީދެއް އައު އަލިކަމެއް ލިބުނު ފަދައެވެ. "ޒިންދަގީ މޭ ޕިޔާރް ކާ ރަންގް، ޕިރް ސޭ ބިކަރްނޭ ލަގާ ހޭ..." ލީނާ އޭނާގެ ޑައިރީގައި ލިޔެލިއެވެ. ދިރިއުޅުމުގައި ލޯބީގެ ކުލަ އަލުން ފެތުރެން ފަށާފައިވާކަން އޭނާއަށް އިޙްސާސްކުރެވުނެވެ.
ދުވަސްތައް ފާއިތުވަމުން ދާވަރަކަށް ލީނާގެ ދިރިއުޅުމަށް އައު އުފާވެރިކަމެއް ލިބެމުން ދިޔައެވެ. އޭނާގެ ކުރީގެ ހިތާމައިގެ ބަދަލުގައި، މިހާރު އޮތީ އުއްމީދާއި އުފަލުން ފުރިފައިވާ ދުނިޔެއެކެވެ. ރަޒީންގެ އިތުރުން، އޭނާ ދުވަހުން ދުވަހަށް އަމިއްލަ ނަފްސަށް އިތުބާރު ހޯދަމުން ދިޔައެވެ.
އެއް ދުވަހެއްގެ ހަވީރު ވަގުތެވެ. ލީނާ އާއި ރަޒީން އެންމެ ފުރަތަމަ ބައްދަލުވި ގޮނޑުދޮށުގެ ރާޅު ބީއްސައި ފަށުގައި ހިނގަމުން ދަނިކޮށް، ކުއްލިއަކަށް ރަޒީން ހުއްޓުނެވެ. ލީނާގެ ކުރިމަތީގައި ކުޑަ ކަކޫ މައްޗަށް ތިރިވެލިއެވެ. އަދި ރަޒީން އޭނާގެ ޖީބުން ކުޑަ ފޮށްޓެއް ނެގިއެވެ. "ތިބާގެ ލޯބިން އަހަރެންގެ ދިރިއުޅުމަށް ގެނެސްދިން އުފާވެރިކަމަކީ ބަޔާންކުރަން ދަތި އެއްޗެކެވެ. ތިބާއަކީ އަހަރެންގެ ޝާއިރީގެ އިލްހާމެވެ. އަހަރެންގެ ހިތުގެ ހަމަޖެހުމެވެ." ރަޒީން ބުންޏެވެ. އޭނާ އަތުގައި އޮތް ފޮށި ހުޅުވާލުމާއެކު، އެފޮށީ ތެރޭގައި އޮތް ރީތި އަނގޮޓިއެއް ފެނުނެވެ. "ލީނާ، އަހަރެންނާއެކު ދިރިއުޅުމުގެ ބާކީ ދުވަސްތައް ހޭދަކުރަން ޤަބޫލުވާނަންތޯ؟" ރަޒީން އުއްމީދާއެކު ލީނާ އަށް ޕްރޮޕޯސްކުރިއެވެ. ލީނާގެ ލޮލުން އުފަލުގެ ކަރުނަތައް ފައިބަމުން ދިޔައެވެ. ލީނާގެ ހިތުގައި އުފެދުނު އުފާވެރިކަމުގެ ޝުޢޫރު ބަޔާންކުރުމަށް އޭނާގެ ދޫ ޙަރަކާތެއް ނުކުރިއެވެ. ނަމަވެސް، ވަރަށް ހިތްވަރުކޮށްފައި ލީނާގެ އޭނާގެ ހިތުގެ އިހްސާސްތައް ހާމަކޮށްލިއެވެ.
"ތޭރޭ ޕިޔާރް ނޭ މުޖޭ ޖީނާ ސިކާޔާ،
ޣަމް ކޭ އަންދޭރޭ ސޭ ބާހަރް ނިކާލާ،
އާޖް ތޭރޭ ސާތް، މޭރީ ޒިންދަގީ މުކަމްމަލް،
ހާން، މޭ ޤަބޫލް ކަރްތީ ހޫން ތުމްހޭ ދިލޯ ޖާންސޭ!"
"ތިބާގެ ލޯބިން އަހަރެންނަށް ދިރިއުޅެން ދަސްކޮށްދިނެވެ. ހިތާމައިގެ އަނދިރިކަމުން ބޭރަށް ނެރެދިނެވެ. މިއަދު ތިބާއާއެކު، އަހަރެންގެ ދިރިއުޅުން ފުރިހަމަވެއްޖެ. އާއެކެވެ. އަހަރެން ތިބާގެ ލޯބި ޤަބޫލުކުރަނީ ހިތާއި ފުރާނައިން!"
ރަޒީން އުފަލުން ފުރި، ލީނާ ގައިގައި ބައްދައިލިއެވެ. އެ ދެމީހުންގެ ލޯބީގެ ފެށުމުގެ ހެކިވެރިޔާގެ ގޮތުގައި، އޮއްސެމުން ދިޔަ އިރުގެ ރީތި މަންޒަރު އެ ދެމީހުންނަށް ފެނިގެން ދިޔައެވެ. އުދަރެހުގައި ފެތުރިގެންދިޔަ ރަތްވިލާގަނޑު، އެ ދެމީހުންގެ ހިތުގައި އުފެދުނު ލޯބީގެ ހޫނުކަމުގެ ނިޝާނެއް ކަހަލައެވެ.
އެރޭ ނިދަން އޮށޯވެލިއިރު، ލީނާގެ ހިތުގައި އޮތީ ހަމައެކަނި ޝުކުރުވެރިކަމާއި އުފާވެރިކަމެވެ. އޭނާގެ ދިރިއުޅުމަށް އައިސްފައިވާ ހެޔޮ ބަދަލުތަކަށްޓަކައި ލީނާ މާތް ﷲ އަށް ޙަމްދާއި ޝުކުރު ކުރިއެވެ. އަދި ކުރިއަށް އޮތް ދުވަސްތަކުގައި ރަޒީންއާއެކު އުފާވެރި ދިރިއުޅުމެއް ފެށޭނެ ކަމުގެ އުއްމީދުގައި ލޯމަރާލިއެވެ. "ޒިންދަގީ އޭކް ނައީ ރާހް، ޕަރް ޗަލް ޕަޑީ ހޭ، އަބް މުޖޭ ޔަޤީންހޭ ކި ޚުދާ މޭރޭ ސާތް ހޭ..." ލީނާ ނިދުމުގެ ކުރިން އެންމެ ފަހުން ވިސްނާލި ޚިޔާލަކީ މިއެވެ. "ދިރިއުޅުން މިހާރު ވަނީ އާ މަގެއްގައި ހިނގަން ފަށާފައި. މިހާރު އަހަރެންނަށް ޔަޤީން، ﷲ އަހަރެންނާއެކު ވާކަމެވެ.
ސާދަވިލޭރޭގެ ހަނދު މެދުއުޑުގައި ފިޔަޖަހަމުން ދިޔަ ފަދައިން، އެ ދެމީހުންގެ ލޯބި ވެސް އިތުރަށް ފުރިހަމަވަމުން ދިޔައެވެ. ކުރިން ލީނާގެ ހިތުގައި އޮތް އެކަނިވެރިކަމުގެ ވޭން، މިހާރު ވަނީ އުފަލުގެ ރާގަކަށް ބަދަލުވެފައެވެ. ފުރަމެންދަމުގެ ހިމޭންކަމުގައި އޭނާ ހޭދަކުރި އެކަނިވެރި ވަގުތުތަކުގެ ބަދަލުގައި، މިހާރު ވަނީ ލޯބިވެރިޔާއާއެކު ހޭދަކުރާ އުފާވެރި ވަގުތުތަކެއް އައިސްފައެވެ. ދުވަސްތައް ފާއިތުވަމުން ދިޔައިރު، ލީނާ އާއި ރަޒީންގެ ގުޅުން އިތުރަށް ބަދަހިވަމުން ދިޔައެވެ. އެ ދެމީހުން ކައިވެނީގެ ރޭވުންތައް ރާވަން ފެށިއެވެ. ލީނާގެ އާއިލާ އާއި ރަޙްމަތްތެރިން މި ޚަބަރު ލިބި ވަރަށް އުފާވިއެވެ.
އެއްރެއެއްގެ ހަނދުވަރުގެ ފަނޑު އަލިކަމުގައި، ގޮނޑުދޮށުގެ ވެލިގަނޑުގައި ލީނާ އާއި ރަޒީން އިށީނދެ ތިއްބެވެ. ކަނޑުގެ ރާޅުތައް މަޑުމަޑުން އައިސް ގޮނޑުދޮށަށް ބީއްސަމުން ދާ އަޑު، އެ ދެމީހުންގެ ހިތުގެ ވިންދާ އެކުވެފައިވާ ކަހަލައެވެ. ލީނާ އޭނާގެ ލޯބިވެރިޔާގެ ކޮނޑުގައި ބޯ އަޅާލައިގެން އިނދެ، އޭނާގެ ހިތުގެ އަޑިން އުފެދުނު އިހުސާސްތައް ބަޔާންކުރިއެވެ.
"ރަޒީން، ތިބާއާ ބައްދަލުވުމުގެ ކުރިން، އަހަރެންގެ ދުނިޔެ އޮތީ އަނދިރިކަމުގެ ތެރޭގައެވެ. އެކަނިވެރިކަމުގެ ވޭނުގައި ހިތް ގިސްލަމުން ދިޔައީއެވެ. އެހެނަސް، ތިބާގެ ލޯބި ލިބުމުން، އަހަރެންގެ ދުނިޔެ އަލިވެއްޖެއެވެ. ކޮންމެ ދުވަހަކީ އުފާވެރި ދުވަހަކަށް ވެއްޖެއެވެ." ރަޒީން ލީނާގެ އަތުގައި މަޑުމަޑުން ހިފަހައްޓާލަމުން ބުންޏެވެ، "ލީނާ، ތިބާއަކީ އަހަރެންގެ ހަޔާތުގެ އެންމެ އަގުހުރި ހަދިޔާއެވެ. ތިބާގެ ލޯބިން އަހަރެންގެ ދުނިޔެ ފުރިހަމަވެއްޖެއެވެ. ކުރިމަގު އުޖާލާވެއްޖެއެވެ." އެ ދެމީހުންގެ ލޯ ބައްދަލުވި ވަގުތު، އެ ދެލޮލުން ފާޅުވާން ހުރީ ފުން ލޯތްބެއްގެ ޖަޒުބާތެވެ. އުފަލުގެ ކަރުނަ ލީނާގެ ކޯތާފަތުގައި ތިރިވަމުން ދިޔައެވެ. ރަޒީން އޯގާތެރިކަމާއެކު އެ ކަރުނަ ފޮހެދިނެވެ.
ލީނާ އާއި ރަޒީންގެ ކައިވެނީގެ ދުވަސް ކައިރިވަމުން އައެވެ. އެ ދެމީހުން ކައިވެނީގެ ތައްޔާރީތަކުގައި އުޅުނެވެ. ލީނާގެ ހިތުގައި އޮތީ ހަމައެކަނި އުފަލާއި އުއްމީދެވެ. އޭނާގެ ކުރީގެ ހިތާމަވެރި ތަޖުރިބާ މިހާރު ވަނީ ހަނދާނުގެ ފޮށްޓަށް ލާ ތަޅުލެވިފައެވެ.
ކައިވެނީގެ ރޭ އައިސް ޖެހުނެވެ. ހުދު ހެދުމުގައި ލީނާ ފެންނަނީ ވަރަށް ރީތިކޮށެވެ. ރަޒީންގެ މޫނުމަތިން ފެންނަނީ އުފަލުގެ ހިނިތުންވުމެކެވެ. އެ ދެމީހުން ކައިވެނީގެ އަޤުދު ކުރުމަށްފަހު، އެންމެންގެ ތަހުނިޔާ ލިބިގަތެވެ.
އެރޭގެ ފަހުން، ލީނާ އާއި ރަޒީންގެ އައު ދިރިއުޅުން ފެށިގެން ދިޔައެވެ. އެ ދެމީހުންގެ ގުޅުމުގެ ބިންގާ އަޅާފައި އޮތީ އެކަކު އަނެކަކަށް އޮތް އިޙްތިރާމާއި ލޯބީގެ މައްޗަށެވެ. މިގޮތަށް، ލީނާގެ ފުރަމެންދަމުގެ އެކަނިވެރިކަން ނިމުމަކަށް އައެވެ. އޭގެ ބަދަލުގައި އުފާވެރި އަދި ފުރިހަމަ ދިރިއުޅުމެއް ފެށިގެން ދިޔައެވެ. ކުރީގެ ހިތާމަވެރި ތަޖުރިބާތަކަކީ މިހާރު އޭނާއަށް ހިތްވަރު ލިބިގަންނަ ކަންތައްތަކަކަށް ވެފައިވެއެވެ.
ރޭގަނޑުގެ އިރާކޮޅުގެ ހަމަހިމޭން ވަގުތެވެ. ލީނާ އާއި ރަޒީން ތިބީ، ސާދަވިލޭރޭގެ ރީތި ހަނދު މެދުއުޑުގައި ފިޔަ ޖަހަމުން ދިޔަ މަންޒަރު ބަލަން ގޮނޑުދޮށުގައެވެ. ލީނާ އޭނާގެ ފިރިމީހާގެ ކޮނޑުގައި ބޯ އަޅާލައިގެން އިނދެ، މަޑުމަޑުން ވާހަކަދައްކަމުން ދިޔައެވެ.
"ތޭރޭ ސާތް ހަރް ލަމްޙާ ޚުޝްނުމާ ހޭ، ތޭރީ މުޙައްބަތް މޭރީ ޒިންދަގީ ކާ ސަހާރާ ހޭ،
ޝުކްރިޔާ ތޭރާ، މޭރޭ ޕިޔާރޭ ހަމްސަފަރް، ތުމް ސޭ ހީ މޭރީ ކަހާނީ މުކަމްމަލް ހޭ."
"ތިބާއާއެކުވާ ކޮންމެ ވަގުތަކީ އުފާވެރި ވަގުތެކެވެ. ތިބާގެ ލޯބިވެރިކަމަކީ އަހަރެންގެ ދިރިއުޅުމުގެ ބާރެވެ. ޝުކުރިއްޔާ، އަހަރެންގެ ލޯބިވެރި އެކުވެރިޔާއެވެ. ތިބާއާއެކު އަހަރެންގެ ވާހަކަ ފުރިހަމަވެއްޖެއެވެ."
ރަޒީން ލީނާގެ ނިތްކުރީގައި ބޮސްދީ، އޭނާގެ އަތުގައި ހިފަހައްޓާލިއެވެ."ލީނާ، ތިބާއަކީ އަހަރެންގެ ދިރިއުޅުމުގެ އެންމެ އަގުހުރި ހަދިޔާ، ތިބާގެ ލޯބި އަހަރެންނަށް ދިންކަމަށްޓަކައި ﷲ އަށް ޝުކުރު ކުރަން." ރަޒީން ވަރަށް އިޝްޤީ އިޙްސާސީ އަޑަކުން ބުންޏެވެ. ލީނާގެ ލޮލުން އުފަލުގެ ކަރުނަ ފައިބައިގެން ދިޔައެވެ. އޭނާ ރަޒީންގެ އަތުގައި ބާރަށް ހިފަހައްޓާލިއެވެ. އެ ދެމީހުން އެކުގައި ސާދަވިލޭރޭގެ ބުރުހަމަ ހަނދުގެ އުޖާލާކަމުގެ ފުރިހަމަ މަންޒަރު ބަލަން ތިއްބެވެ. އެ މަންޒަރަކީ އެ ދެމީހުންގެ ލޯބީގެ ފުރިހަމަކަން ދައްކުވައިދޭ ކަމެއް ކަހަލައެވެ.
މިގޮތަށް، ލީނާގެ ދިރިއުޅުމުގެ އައު ބާބު ފެށިގެން ދިޔައެވެ. އޭނާގެ ކުރީގެ އެކަނިވެރިކަމާއި ހިތާމަ ވަނީ އުފަލާއި އައު އުއްމީދަށް ބަދަލުވެފައެވެ. ފުރަމެންދަމެއްގެ އެކަނިވެރިކަމަށް ނިމުމެއް އައިސް، ހަޔާތުގައި އައު އަލިކަމަކާއި، އައު އުފާވެރިކަމެއް ފެށިގެންދިޔައެވެ.
- ނިމުނީ –