އައިޖީއެމްއެޗްގެ ހިޔަލަ ވިންގު މަރާމާތުކުރާތީ ލޭބަރ ރޫމްގެ ޚިދުމަތްތައް ދަރުމަވަންތައަށް ބަދަލުކޮށްފި

އިންދިރާ ގާންދީ މެމޯރިއަލް ހޮސްޕިޓަލް، އައިޖީއެމްއެޗްގެ ހިޔަލަ ވިންގުގައި ކުރިއަށްދާ މަރާމަތުގެ މަސައްކަތްތަކާ ގުޅިގެން ބައެއް ޚިދުމަތްތައް ދަރުމަވަންތަ ހޮސްޕިޓަލަށް ބަދަލުކޮށްފިއެވެ.

އައިޖީއެމްއެޗްއިން ނެރުނު އިޢުލާނެއްގައި ވަނީ ހިޔަލަ ވިންގުގެ ބައެއް ފަންގިފިލާތަކުގައި ކުރަންޖެހޭ އެކިއެކި މަސައްކަތްތައްކުރުމަށް އެ ފަންގިފިލާތަކުން ދެމުންގެންދިޔަ ޚިދުމަތްތައް އެހެން ތަނަކަށް ވަގުތީ ގޮތުން ބަދަލުކޮށްފައިވާ ކަމަށެވެ. އެ ގޮތުން ހިޔަލަ ވިންގުގައި ދެމުންގެންދިޔަ އޮބްސްޓެޓްރިކްސް އެންޑް ގައިނީ އިމަރޖެންސީގެ ޚިދުމަތްތަކާއި ލޭބަރ ރޫމް އަދި ލޭބަރ އިންޑަކްޝަން ޔުނިޓުގެ ޚިދުމަތްތައް ދަރުމަވަންތަ ހޮސްޕިޓަލުގެ 17 ވަނަ ފަންގިފިލާއަށްވަނީ ބަދަލުކޮށްފައެވެ.

އިންދިރާ ގާންދީ މެެމޯރިއަލް ހޮސްޕިޓަލުގެ 11 ފަންގިފިލާގެ އިމާރާތް، (ހިޔަލަވިންގ)ގެ ބައެއް ފަންގިފިލާތަކުގައި ކުރަންޖެހޭ އެކިއެކި މަސައްކަތްތައް ކުރުމަށް، އެ ފަންގިފިލާތަކުން ދެމުންގެންދިޔަ ޚިދުމަތްތައްދޭ ތަން ބަދަލުވުމާ ގުޅޭ

Regarding the relocation of services provided from… pic.twitter.com/bRhFh0ajSv

— IGMH (@igmhmv) June 22, 2025

ހަމައެއާއެކު ވާރޑް އޭ އަދި ވާރޑް ބީގައި ހިމެނޭ ވާރޑް އަދި ކޮޓަރިތައް ދަރުމަވަންތައް ހޮސްޕިޓަލުގެ 18 އަދި 19 ވަނަ ފަންގިފިލާއަށް ބަދަލުކޮށްފައިވާއިރު، ގައިނީ ތިއޭޓަރުގެ ޚިދުމަތްތައް 12 ވަނަ ފަންގިފިލާއަށް ވަނީ ބަދަލުކޮށްފައެވެ.

އައިޖީއެމްއެޗްގެ ހިޔަލަ ވިންގުގެ މަރާމާތުގެ މަސައްކަތްކުރަމުންދާއިރު، އައިޖީއެމްއެޗްއަށް 75 އެނދު އިތުރުކުރުމަށް އައު އިމާރާތެއްގެ މަސައްކަތްވެސް މިހާރު ދަނީ ކުރަމުންނެވެ. މި މަސައްކަތް ނިންމާ، ހުޅުވަން މިހާރު ވަނީ ގާތްވެފައެވެ.