މިހާރު ކުރިއަށްދާ އައިޓީއެފް މޯލްޑިވްސް ޖޫނިއަރ އޯފަން ޖޭ30 ޓެނިސް މުބާރާތުގެ ޑަބަލްސް އިވެންޓުގެ ޗެމްޕިއަންކަން ރާއްޖޭގެ އާރާ އާސަލް އާޒިމް އާއި ތައިލެންޑްުގެ ޓަރީޓާ ހޮންގްޔޮންގުގެ ޕެއާއިން ހޯދައިފިއެވެ.
ރާއްޖޭގައި ފުރަތަމަ ފަހަރަށް ބާއްވާ އައިޓީއެފް މުބާރާތުގެ ދެވަނަ ހަފްތާގެ ފައިނަލްގައި މިއަދު މެންދުރު އާރާ އާއި ޓަރީޓާގެ ޕެއާ ނިކުތީ ކޮރެއާގެ ސެއުންޔަން އާއި ޗައިނާގެ ޔިޝަން ޒޫ އާއި ދެކޮޅަށެވެ.
ފައިނަލް މެޗުގެ ސެޓުގެ އާރާގެ ޕެއާއިން ކާމިޔާބުކުރީ 6-1، އަދި 6-3 ންނެވެ.
ޑަބަލްސް އިވެންޓުގެ ފައިނަލަށް އާރާގެ ޕެއާ ދަތުރުކުރީ ފްރާންސްގެ ދެ ކުޅުންތެރިންނާއި ވާދަކޮށް ސީދާ ދެ ސެޓުން ސެމީ ފައިނަލް ކާމިޔާބުކޮށްގެންނެވެ.
އައިޓީއެފް މޯލްޑިވްސް ޖޫނިއަރ އޯޕަން ޖޭ30 ގެ ފުރަތަމަ ހަފްތާގައިވެސް ޑަބަލްސް އިވެންޓުން އާރާ އާއި ޓަރީޓާ ވަނީ ޗެމްޕިއަންކަން ހޯދާ ރަންމެޑަލް ހޯދާފައެވެ. ފުރަތަމަ ހަފްތާގެ ފައިނަލްގައި އާރާ ނިކުތީ ތައިލޭންޑްގެ ޓަރީޓާ ހޮންގޔޮކް އާއި އެކު ކޮރެއާގެ ސެއުންޔަން ޗޯ އައީ ޗައިނާގެ ޔިޝަން ޒޫގެ ޕެއާއައި ދެކޮޅަށެވެ.
17 އަހަރުގެ އާރާ އާއި ތައިލޭންޑްގެ ޓަރީޓާގެ ޕެއާއިން ފައިނަލް މެޗުގެ ސެޓުތައް ކާމިޔާބުކުރީ 6-2 އަދި 6-1 ކުންނެވެ.
އާރާ ވަނީ މިދިޔަ އަހަރުގެ ފަހުކޮޅު ރާއްޖޭގައި ބޭއްވި އޭޓީއެފް މުބާރާތްވެސް ކާމިޔާބުކޮށްފައެވެ. އައިޓީއެފް ޖޭ30 އަށް އާރާ ވަނީ ތައިލޭންޑްގައިވެސް ފަރިތަކޮށްފައެވެ.