ބިދޭސީން ވިޔަފާރިކުރާ 5 ތަނެއް ބަންދު، 3 މީހަކު ހައްޔަރު
-
10 ތަނެއް ވަނީ ބަލާ ފާސްކޮށްފައި
-
މިއީ ސިލްސިލާކޮށް ކުރިއަށްގެންދާ އޮޕަރޭޝަންތަކެއް
އިމިގްރޭޝަނުން ފުލުހުންނާއި ފުޑް އެންޑް ޑްރަގް އޮތޯރިޓީ ގުޅިގެން، ކުރިއަށްގެންދިޔަ އޮޕަރޭޝަނެއްގައި 5 ތަނެއް ބަންދުކޮށް، 3 ބިދޭސީއަކު ހައްޔަރުކޮށްފިއެވެ.
މި އޮޕަރޭޝަންއަކީ ދިވެހިރާއްޖޭގައި ޤަބައިދާ ޚިލާފަށް ވިޔަފާރިކޮށް، ސައްހަ ވިސާއެއް ނެތި އުޅެމުން ގެންދާ ބިދޭސީން ހޯދައި އަނބުރާ އެމީހުންގެ ގައުމުތަކަށް ފޮނުވާލުމަށް ކުރިއަށް ގެންދާ ސިލްސިލާ އޮޕަރޭޝަން ތަކުގެ ތެރެއިން ފުލުހުންނާއި، އިމިގްރޭޝަން، ކަސްޓަމްސް އަދި މޯލްޑިވްސް ފުޑް އެންޑް ޑްރަގް އޮތޯރިޓީ އެމްއެފްޑީއޭ ގުޅިގެން ހިންގި އޮޕަރޭޝަނެކެވެ.
ފުލުހުން ވިދާޅުވީ މި އޮޕަރޭޝަންގައި ޖުމްލަ 10 ތަނެއް ބަލައިފާސްކޮށް، އޭގެތެރެއިން 5 ތަނަކަށް ނޯޓިސް ދިނުމަށްފަހު ބަނދުކޮށްފަވާކަމަށެވެ. އަދި ޤަވާއިދާ ހިލާފަށް އުޅެމުންދިޔަ 3 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާކަމަށެވެ.
ދިވެހިރާއްޖޭގައި ގަވާއިދާ ހިލާފަށް ވިޔަފާރިކޮށް، ސައްހަ ވިސާއެއް ނެތި އުޅެމުން ގެންދާ ބިދޭސީން ހޯދައި އަނބުރާ އެމީހުންގެ ގައުމުތަކަށް ފޮނުވާލުމަށް ކުރިއަށް ގެންދާ ސިލްސިލާ އޮޕަރޭޝަން ތަކުގެ ތެރެއިން، ފުލުހުންނާއި، އިމިގްރޭޝަން، ކަސްޓަމްސް އަދި މޯލްޑިވްސް ފުޑް އެންޑް ޑްރަގް… pic.twitter.com/lmQP4l01Gk
— Maldives Police (@PoliceMv) January 13, 2026
ބިދޭސީންނާއި ގުޅުންހުރި މައްސަލަތައް ޙައްލުކުރުމަށް ގިނަ ފިޔަވަޅުތަކެއް ސަރުކާރުން ދަނީ އަޅަމުންނެވެ. ޤަވާއިދާ ޚިލާފަށް ބިދޭސީން ހިންގާ ވިޔަފާރިތާއި، ޤަވާއިދާ ޚިލާފަށް އުޅޭ ބިދޭސީން ހައްޔަރުކޮށް ޑީޕޯޓުކުރުމަށް ކުރިއަށްގެންދާ ރާއްޖޭގައި ދިރިއުޅޭ ހުރިހާ ބިދޭސީންގެ މަޢުލޫމާތު އެއްކޮށް، ޑީޕޯޓުކުރުުގެ މަސައްކަތްދަނީ ކުރަމުންނެވެ، މީގެ އިތުރުން ބިދޭސީންގެ މައުލޫމާތުތައް އެއްކުރުމަށް "އޮޕަރޭޝަން ކުރަނގި"ގެ ދަށުން، ޚާއްސަ އިސްކަމެއްދީގެން މަސައްކަތްތަކެއް މުޅި ރާއްޖޭގައި ވަނީ ކުރިއަށްގެންގޮސްފައެވެ.
ބިދޭސީންގެ މަޢުލޫމަތު އެއްކުރުމަށް ހިންގާ އޮޕަރޭޝަންގެ ދަށުން އެއްލައްކަ ނުވަދިހަ ހާހަށްވުރެ ގިނަ ބިދޭސީންގެ މަޢުލޫމާތު ވަނީ އެއްކޮށްފައެވެ.
މިހާރު ކުރިއަށްދާ މަސައްކަތްތަކަކީ ޤަވައިދާ ޚިލާފައި ބިދޭސީން ރާއްޖޭގައި ކުރަމުންދާ މަސައްކަތްތައް ދެނެގަނެ، އެފަދަ މީހުން ހޯދާ ފިޔަވަޅު އެޅުމުގެ މަސައްކަތެވެ. ޚާއްސަކޮށް ކާބޯތަކެތީގެ ވިޔަފާރިކުރާ ތަންތަން ދެނެގަނެ، އެފަދަ ފަރާތްތަކާ މެދު ދަނީ ފިޔަވަޅު އަޅަމުންނެވެ. އެގޮތުން ނިމުނު އަހަރު އެކަނިވެސް އެފަދަ 150 ތަނެއް ބަލައި ފާސްކޮށް، 66 ވިޔަފާރިއެއް ވަނީ ބަންދުކޮށްފައެވެ.