ޔުވެންޓަސްގެ ދެ ފޯވާޑުންކަމަށްވާ ޕައުލޯ ޑިބަލާ އަދި ގޮންޒާލޯ ހިގުއައިންއާއިއެކު އާޖެންޓީނާގެ ގައުމީ ޓީމްގެ ސްކޮޑް އިއުލާންކޮށްފިއެވެ.
ވޯލްޑްކަޕް ކޮލިފައިންގައި ޕެރޫ އަދި ޕެރެގުއޭއާއި ދެކޮޅަށް ކުޅޭ ދެ މެޗަށް އާޖެންޓީނާގެ ކޯޗް ބައުޒާ އިއުލާންކުރި ސްކޮޑުން މިފަހަރު ޕީއެސްޖީގެ މިޑްފިލްޑާރ ހާވިއޭ ޕަސްތޯރޭއަށް ޖާގައެއް ދީފައި ނުވެއެވެ. ޕަސްތޯރޭގެ ބަދަލްގައި ކޯޗް ފުރުސަތު ދީފައިވަނީ އެތްލެޓިކޯ މެޑްރިޑްގެ އޮގަސްޓޯ ފެނާންޑޭޒްއަށެވެ. ކެޕްޓަން މެސީއާއިއެކު ސާޖިއޯ އަގުއޭރޯ ފޯވާޑުންގެ ގޮތުގައި ހިމާނާފައިވާއިރު އިންޓާރމިލާންގެ ކެޕްޓަން މައުރޯ އިކާޑީއަށް ސްކޮޑުން ފުރުސަތެއް ނުލިބުނެވެ.
ސްކޮޑް އިއުލާންކުރުމަށްފަހު ކޯޗް ބައުޒާ ބުނީ ޕެރޫ އަދި ޕެރެގުއޭ މެޗަކީ ކޮލިފައިންގައި ކުރިމަތިލާން ޖެހޭނެ އެންމެ މުހިންމު މެޗުތައްކަމަށާއި، މި މެޗުތަކުން މޮޅުވާން މަޖުބޫރުކަމަށެވެ. ފުރަތަމަ ބުރުގެ މެޗުތަކުން ރަނގަޅު ކާމިޔާބެއް ހޯދާއި، ދެވަނަ ބުރާއި ކުރިމަތިލާއިރު އުއްމީދުބޮޑުކުރަން ބޭނުންވާކަމަށްވެސް ކޯޗް ބައުޒާ ބުންޏެވެ.