ކުނަހަންދޫ ކުރިކެޓް ކާނިވާ: ޑީއެކްސްއިން ވިޔަޒޯރު ބަލިކޮށްފި

ކުރިކެޓް ބޯޑް އޮފް މޯލްޑިވްސް (ސީބީއެމް)އިން އިންތިޒާމުކޮށްގެން ލ. ކުނަހަންދޫގައި ކުރިއަށްދާ ރަމަޟާން ކުރިކެޓު ކާނިވަލުގައި ޓީމް ވިޔަޒޯރާއި ވާދަކުރި މެޗު ޓީމް ޑީއެކްސްއިން ކާމިޔާބުކޮށްފިއެވެ.

ލ. ކުނަހަންދޫ ކުރިކެޓު ދަނޑުގައި ކުރިއަށް ދިޔަ މި މެޗުގެ ގުރު ދިމާވެގެން ޓީމް ވިޔަޒޯރުން ގަސްކުރީ ހޮވަން އަރާށެވެ. ޓީމް ޑީއެކްސްއިން ކުޅެން އަރާ 8 އޯވަރު 6 ވިކެޓަށްވަނީ 98 ލަނޑު ހަމަކޮށްފައެވެ. އެޓީމުން އެންމެ ރަނގަޅަށް ކުޅުނީ 21 ލަނޑު ހެދި ރާކިބުއެވެ. ޓީމް ވިޔަޒޯރުން އެންމެ ރަނގަޅަށް އުކީ 19 ލަނޑަށް 2 ވިކެޓް ނެގި، ޒައިދުލް އަބޫބަކުރުއެވެ.

ޖަވާބުގައި ޓީމް ވިޔަޒޯރުން ކުޅެން އަރާ 8 އޯވަރު 6 ވިކެޓަށް ހެދިފައިވަނީ 85 ލަނޑެވެ. ވިޔަޒޯރު ޓީމުން އެންމެ ރަނގަޅަށް ކުޅުނީ 22 ލަނޑު ހެދި މުހަންމަދު އަނީސްއެވެ.
މިމެޗުގެ މޮޅު ކުޅުންތެރިޔަކަށް ހޮވިފައިވަނީ ޓީމް ޑީއެކްސްގެ ރާކިބްއެވެ. ކުނަހަންދޫ ކުރިކެޓް ކާނިވަލުގައި ދެން ވާދަކުރާނީ ކުރުނބާ އެސްސީ އަދި މުބާރާތުގައި ވާދަކުރަމުންދާ ހަމައެކަނި އަންހެން ޓީމުކަމަށްވާ ކުނަހަންދޫ ގާލްޒްއެވެ. މިމެޗު ފެށޭނީ ހަވީތު 04:15ގައެވެ.

ކުނަހަންދޫ ކްރިކެޓް ކާނިވަލުގައި ޖުމްލަ 7 ޓީމަކުން ވާދަކުރެއެވެ. އެއީ ކުނަހަންދޫ ބޯއިޒް، ކުނަހަންދޫ ގާރލްސް، ކުރުނބާ އެސްސީ، ކަދުރު އެސްސީ، ވިޔަޒޯރު، ޓެން ސްޓަރ އަދި ޓީމް ޑީއެކްސްއެވެ.

ކުނަހަންދޫގައި ކުރިއަށްދާ މައިލޯ ރަމަޟާން ކްރިކެޓް ކާނިވަލުގެ ކުޅުން ކުރިއަށްދަނީ މިދިޔަމަހުގެ 23 އިން މިމަހުގެ 15 ވަނަ ދުވަހުގެ ނިޔަލަށް ކުނަހަންދޫ ކްރިކެޓް ދަނޑުގައެވެ.