އިސްލާމްދީނަށް ފުރައްސާރަކުރިކަމުގެ ތުހުމަތުގައި މީހަކު ހޯދަނީ
-
ހޯދަމުންދަނީ ނ.ކުޑަފަރި، އުމުރުން 44 އަހަރުގެ ޙުސައިން ޔޫސުފް
-
އޭނާ ވަނީ ޓިކްޓޮކް ބޭނުންކޮށްގެން ދީނަށް ފުރައްސާރަކޮށް ދޮގު މަޢުލޫމާތު ފަތުރާފައި
ސޯޝަލް މީޑިއާ ޕްލެޓްފޯމްތަކުގައި އިސްލާމްދީނަށް ފުރައްސާރަކުރާކަމުގެ ތުހުމަތުގައި މީހަކު ފުލުހަށް ހާޒިރުވާން އަންގައިފިއެވެ. ފުލުހުން ވަނީ އެމީހާގެ ފޮޓޯއާއި ޒާތީ މަޢުލޫމާތު ހާމަކޮށްފައެވެ.
މި މައްސަލައިގައި ފުލުހުން ހޯދަމުން ދަނީ ނ.ކުޑަފަރި، ހިޔަލީގެ އުމުރުން 44 އަހަރުގެ ޙުސައިން ޔޫސުފެވެ.
ފުލުހުން ކޮށްފައިވާ ޕޯސްޓެއްގައި ބުނެފައިވަނީ އިސްލާމްދީނަށް ތައުހީނުކޮށް ފުރައްސާރަކުރުމާއި، ދިވެހި ރައްޔިތުންގެ އެއްބައިވަންތަކަން ނަގާލަން މަސައްކަތްކުރުމާއި، މީހުންގެ މެދުގައި ދީނީ ގޮތުން ބައިބައިވުން އުފެދޭ ބާވަތުގެ ވާހަަކައާއި އިސްލާމްދީނުގެ އަސްލުތަކާ ގުޅޭ ގޮތުން ދޮގު މަޢުލޫމާތު، ސޯޝަލް މީޑިއާގެ ޕްލެޓްފޯމް ޓިކްޓޮކް މެދުވެރިކޮށް ފެތުރިކަމަށް ތުހުމަތު ކުރެވޭ މައްސަލައެއްގެ ތަހުގީގަށް ޙުސައިން ޔޫސުފް ހާޒިރުކުރަން ބޭނުންވާކަމަށެވެ.
ނަމަވެސް އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާނުކުރާކަމަށެވެ،