ޤަވާއިދާ ޚިލާފަށް އުޅުނު 2 ބިދޭސީއަކު އިމިގްރޭޝަންގެ ދަށަށް

ޤަވާއިދާ ޚިލާފަށް ރާއްޖޭގައި އުޅޭ ބިދޭސީން ހޯދުމަށް މޯލްޑިވްސް އިމިގްރޭޝަނުން ކުރަމުންދާ މަސައްކަތުގެ ދަށުން މާލޭގެ 4 ސަރަޙައްދެއް ބަލައި ފާސްކޮށް، 02 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

އިމިގްރޭޝަނުން ވިދާޅުވީ، މި އޮޕަރޭޝަން ކުރިއަށް ގެންގޮސްފައިވަނީ އިއްޔެގެ ވަގުތެއްގައި ކަމަށެވެ.

ރާއްޖޭގައި ޤަވާއިދާ ޚިލާފަށް ހިންގާ ބިދޭސީ ވިޔަފާރިތައް ބަލައި ފާސްކޮށް، އެތަންތަނަށް ފިޔަވަޅު އެޅުމަށް ޚާއްސަ ޓާސްކްފޯހެއް އެކުލަވާލާ އެ މަސައްކަތް ފެށީ، މިދިޔަ ނޮވެމްބަރު މަހުގެ ތެރޭގައެވެ. އަދި މިފަދަ މައްސަލަތައް ރިޕޯޓް ކުރުމަށްވެސް ޕޯޓަލްއެއް ވަނީ ޤާއިމުކޮށްފައެވެ.

މޯލްޑިވްސް އިމިގްރޭޝަނުން ވިދާޅުވީ، ޤަވާއިދާ ޚިލާފަށް ރާއްޖޭގައި އުޅެމުންދާ ބިދޭސީން ހޯދުމަށް ޓާސްކްފޯސްއިން ހިންގަމުންދާ އޮޕަރޭޝަންތަކުގައި، އިއްޔެ މާލޭގައި ބިދޭސީން ހަރަކާތްތެރިވާ 4 ސަރަޙައްދެއް ބަލައި ފާސްކޮށްފައިވާ ކަމަށެވެ. އަދި ޤަވާއިދާ ޚިލާފަށް މަސައްކަތް ކުރަމުން ދިޔަ 02 ބިދޭސީއެއް އިމިގްރޭޝަންގެ ބެލުމުގެ ދަށަށް ގެނެސްފައިވާ ކަމަށް ވިދާޅުވިއެވެ.

ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީން ހޯދުމަށް ޓާސްކްފޯސްއިން ހިންގަމުންދާ އޮޕަރޭޝަންތަކުގައި، އިއްޔެ ވަނީ މާލޭގައި ބިދޭސީން ހަރަކާތްތެރިވާ 4 ސަރަހައްދެއް ބަލައި ފާސްކޮށްފައި. އަދި ގަވާއިދާ ހިލާފަށް މަސައްކަތް ކުރަމުންދިއަ 02 ބިދޭސީއެއް ވަނީ އިމިގްރޭޝަންގެ ބެލުމުގެ… pic.twitter.com/jPS7MutK9h

— Maldives Immigration (@ImmigrationMV) March 6, 2026

މި އޮޕަރޭޝަނަކީ، ރާއްޖޭގައި ޤަވާއިދާ ޚިލާފަށް ފުޅާ ދާއިރާއެއްގައި ބިދޭސީން ވިޔަފާރި ކުރަމުންދާ މައްސަލަ ޙައްލު ކުރުމަށް އެކުލަވާލާފައިވާ "ނެޝަނަލް ޓާސްކްފޯރސް އޮން ކޮމްބެޓިންގ އިލީގަލް އެކްސްޕެޓްރިއޭޓް އޮޕަރޭޝަންސް އެންޑް ބިޒްނަސަސް"ގެ ދަށުން ހިންގި އޮޕަރޭޝަނެކެވެ. މި ޓާސްކްފޯހަކީ، ޤަވާއިދާ ޚިލާފަށް ވިޔަފާރިކޮށް، ސައްޙަ ވިސާއެއް ނެތި ރާއްޖޭގައި އުޅޭ ބިދޭސީން ހޯދުމަށް މިދިޔަ ނޮވެމްބަރު މަހު އުފެއްދި ޓާސްކްފޯހެކެވެ.

މިހާރު ކުރިއަށްދާ މަސައްކަތްތަކަކީ، ޤަވާއިދާ ޚިލާފަށް ބިދޭސީން ރާއްޖޭގައި ކުރަމުންދާ މަސައްކަތްތައް ދެނެގަނެ، އެފަދަ މީހުން ހޯދާ ފިޔަވަޅު އެޅުމުގެ މަސައްކަތެވެ. ޚާއްސަކޮށް ކާބޯތަކެތީގެ ވިޔަފާރި ކުރާ ތަންތަން ދެނެގަނެ، އެފަދަ ފަރާތްތަކާ މެދު ދަނީ ފިޔަވަޅު އަޅަމުންނެވެ. އެގޮތުން ނިމުނު އަހަރު އެކަނިވެސް އެފަދަ 150 ތަނެއް ބަލައި ފާސްކޮށް، 66 ވިޔަފާރިއެއް ވަނީ ބަންދުކޮށްފައެވެ.

މިއީ، އިމިގްރޭޝަނާއި، ފުލުހުންނާއި އަދި ދާޚިލީ ސަލާމަތާ ފަންނިއްޔަތާ ބެހޭ ވުޒާރާ ގުޅިގެން ކުރިއަށްގެންދާ އޮޕަރޭޝަނެކެވެ.