ޚަބަރު
ދުވާފަރުގައި ބިދޭސީއަކަށް ތޫނު އެއްޗަކުން ޙަމަލާދީ ޒަޚަމްކޮށްލައިފި
-
އެމީހާއަށް މިހާރު ދަނީ އެރަށު ޞިއްޙީ މަރުކަޒުގައި ފަރުވާދެމުން
ރ.ދުވާފަރު ސިއްހީ މަރުކަޒު / ފައިލް ފޮޓޯ ޕީއެސްއެމް
ރ. ދުވާފަރު
ރ. ދުވާފަރުގައި ބިދޭސީއަކަށް ތޫނު އެއްޗަކުން ޙަމަލާދީ ޒަޚަމުކޮށްލައިފިއެވެ.
ފުލުހުން ވިދާޅުވީ، ދުވާފާރުގައި ބިދޭސީއަކަށް ތޫނު އެއްޗަކުން ޙަމަލާދީ ޒަޚަމުކޮށްލާފައިވާ މައްސަލައެއް މިރޭ ފުލުހުންނަށް ރިޕޯޓް ކޮށްފައިވާ ކަމަށެވެ.
އަދި އެމީހާއަށް މިހާރު އެރަށު ޞިއްޙީ މަރުކަޒުގައި ފަރުވާ ދެމުންދާ ކަމަށެވެ. މިމައްސަލައާއި ގުޅޭ އިތުރު ތަފްސީލެއް ފުލުހުން އަދި ހާމައެއް ނުކުރެއެވެ.
ފުލުހުން ދަނީ، މި މައްސަލަ އިތުރަށް ތަހުޤީޤު ކުރަމުންނެވެ.