ޖީޕީއީގެ ބޯޑު ޑިރެކްޓަރުންގެ ބައްދަލުވުމުގައި ތަޢުލީމީ ވަޒީރު

ގްލޯބަލް ޕާޓްނަޝިޕް ފޮރ އެޑިޔުކޭޝަން ޖީޕީއީގެ ބޯޑް އޮފް ޑިރެކްޓަރސްގެ ބައްދަލުވުމުގައި ތަޢުލީމާއި މަތީ ތަޢުލީމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. އިސްމާޢީލް ޝަފީޢު ބައިވެރިވެވަޑައިގެންފިއެވެ.

މި ބައްދަލުވުމުގައި ވަޒީރު ޑރ. އިސްމާޢީލް ޝަފީޢު ބައިވެރިވެ ވަޑައިގެންނެވީ އޭޝިއާ އަދި ޕެސިފިކް ދާއިރާ ތަމްސީލުކުރައްވާ ބޯޑް މެންބަރުގެ ހައިސިއްޔަތުންނެވެ.

މިމަހުގެ 2 އިން 4 އަށް އަށް ޕެރިސްގައި ކުރިއަށްދާ މި ބައްދަލުވުމުގައި ވަޒީރު ޑރ. އިސްމާޢީލް ޝަފީޢުގެ އަރިހުގައި އެ ވުޒާރާގެ ސްޓޭޓް މިނިސްޓަރ އަދި ޓެކްނިކަލް އެޑްވައިޒަރ ޑރ. އަޙުމަދު މުޙައްމަދު ބައިވެރިވެވަޑައިގެންނެވިއެވެ.

Minister Dr. Ismail Shafeeu and State Minister Dr. Ahmed Mohamed participated in the Launch of Foundation for Global Partnership for Education (GPE). The launch event was held on the sidelines of the GPE's Board meeting in Paris, on 2nd June 2026. (1/2) pic.twitter.com/Rm6AidZrWM

— Ministry of Edu, Higher Edu and Skills Development (@MoEdumv) June 3, 2026

މިއަހަރުގެ މި ބައްދަލުވުމުގެ ތެރެއިން ޖީޕީއީގެ ހިންގުމާއި ގުޅުންހުރި ގިނަ ނިންމުންތަކާއި، ކުރިއަށްގެންދިއުމަށް ރާވާ ހަރަކާތްތަކުގެ އިތުރުން، ކުރިއަށް އޮތް އަހަރުތަކަށް ލަފާކުރާ ބަޖެޓު ކަނޑައެޅުމަށް ކުރިއަށްގެންދިޔަ މަޝްވަރާތަކުގައި ވަޒީރު ބައިވެރިވެވަޑައިގެންނެވިއެވެ.

ގްލޯބަލް ޕާޓްނަޝިޕް ފޮރ އެޑިޔުކޭޝަން ޖީޕީއީއަކީ، ތަރައްޤީވަމުން އަންނަ ޤައުމުތަކުގެ ތަޢުލީމީ ނިޒާމު ކުރިއެރުވުމަށް ހިލޭ އެހީ ދޭ ބައިނަލްއަޤްވާމީ އެންމެ ބޮޑު އެއް ފަންޑެވެ.