ލާއޯސްއާ އެއްވަރުކޮށް ރާއްޖެ އޭޝިއަން ކަޕް ކޮލިފައިންގްރޫޕް ސްޓޭޖުން ޖާގަ ހޯދައިފިއެވެ.
މިއަދު ލާއޯސްގައި ކުޅުނު މިމެޗް އެއްވަރުވީ އެއްލަނޑު އެއްލަނޑުންނެވެ. މެޗްގެ ފުރަތަމަ ލަނޑު ޖަގާ ކުރި ހޯދީ ލާއޯސްއެވެ. މިލަނޑު 80 ވަނަ މިނެޓްގައި ލާއޯސްއަށް ކާމިޔާބުކޮށްދިނީ ޝިހަވޮންގއެވެ. ރާއްޖެއަށް މެޗްގެ އިތުރު ވަގުތުގައި ނަތީޖާ ހަމަހަމަކޮށްދިނީ އަހުމަދު ނާޝިދުއެވެ.
ރާއްޖެއާލާއޯސް ރާއްޖޭގައި ކުޅުނު މެޗް ރާއްޖެ ކާމިޔާބުކޮށްފައިވަނީ ހަތަރު ލަނޑު ސުންލަނޑުންނެވެ. އެހެން ކަމުން ރާއްޖެ އޭޝިއަން ކަޕް ކޮލިފައިން ގްރޫޕް ސްޓޭޖަށް ކޮލިފައިވެފައިވަނީ ފަސްލަނޑު އެއްލަނޑުގެ އެގްރިގޭޓުންނެވެ. 2019 ވަނަ އަހަރުގެ އޭޝިއަން ކަޕަށް ކޮލިފައިވުމަށް ގްރޫޕް ސްޓޭޖް މެޗްތައް ކުޅެންހަމަޖެހިފައިވާއިރު، ގްރޫޕް ސްޓޭޖް ގުރުނެގުން އޮންނާނީ ޕްލޭ އޮފް މެޗްތަކަށްފަހުއެވެ.