"ބޮޑުތަކުރުފާނުމަގު ތަރައްޤީކުރުމުގެ މަސައްކަތް ނޮވެމްބަރަށް ނިންމާލެވޭނެ"

ބޮޑުތަކުރުފާނުމަގު ތަރައްްޤީކުރުމުގެ މަސައްކަތް ނޮވެމްބަރަށް ނިންމާލެވޭނެކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.

ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވީ، މަގު ތަރައްޤީކުރުމުގެ މަޝްރޫޢުގެ ތެރެއިން ދެން ތަރައްޤީކުރާނީ އެމްޕީއެލް ސަރަހައްދުން ފެށިގެން ސުނާމީ ބިނާ މައިޒާނާއި ހަމައަށް އޮންނަ ސަރަޙައްދުކަމަށެވެ.

އެ ސަރަޙައްދުގެ މަގު ހެދުމުގެ މަޝްރޫޢު ވަރަށް އަވަހަށް ފެށޭނެކަމަށް އިމާރާތްކުރުމާބެހޭ ވުޒާރާއިން ވަނީ ވިދާޅުވެފައެވެ. އަދި މުޅި މަޝްރޫޢުގެ މަސައްކަތް އެއްކޮށް ނިންމާ ނޮވެމްބަރު މަހު އާންމުންނަށް ހުޅުވާލެވޭނެކަމަށް ސަރުކާރުން ވިދާޅުވެއެވެ.

Some of the works included in the next phase of development of Male north side Boduthakurufaanu Magu and harbour area development plan: these works and the remainder of the Ring Road (from MPL area upto Tsunami Binaa Maizaan) will be completed before end of November 2026 in sha… pic.twitter.com/Kh5Ly8ECm6

— Dr Mohamed Muizzu (@MMuizzu) July 25, 2026

ބޮޑުތަކުރުފާނު މަގު ތަރައްޤީކުރުމުގެ މަޝްރޫޢުގެ ތެރެއިން މިހާރުވަނީ ހެންވޭރު ފެރީ ޓާމިނަލުން ފެށިގެން ނޯތު ހާބަރާ ހަމައަށް މަގު ތަރައްޤީކޮށްފައެވެ.

އެގޮތުން އެ ސަރަޙައްދުގެ މަގު ތަރައްޤީކޮށްފައިވަނީ، ފަޅުތެރެއިން ބައެއް ހިއްކައިގެން، 4 ލޭނަށް މަގު ފުޅާކުރުމަށްފަހު، 1.145 ކިލޯމީޓަރުގެ ސަރަޙައްދެއްގައި ތާރުއަޅައި، ދުވާރާއި ފެންހިންދާ ނިޒާމު ގާއިމުކޮށް، 500 ސައިކަލުގެ ޖާގައިގެ ޕާކިން ޒޯނަކާވެސް އެކުގައެވެ.