ޗެލްސީގެ ފޯވަޑް ޖޮއާއޯ ޕެޑްރޯ އާއިއެކު އެ ކްލަބުން ހަދާފައިވާ އެއްބަސްވުމުގެ މުއްދަތު އައު ކުރަން ނިންމައިފިއެވެ.
ބްރެޒިލް އަށް އުފަން އުމުރުން 24 އަހަރުގެ ޖޮއާއޯ ޕެޑްރޯ ޗެލްސީ އާއިއެކު ހަދާފައިވާ އެއްބަސްވުމުގެ މުއްދަތު ހަމަވާނީ 2032 ވަނަ އަހަރުގެ ނިޔަލަށެވެ. މީޑިޔާ ރިޕޯޓްތައް ބުނާ ގޮތުގައި ޖޮއާއޯ ޕެޑްރޯގެ ކޮންޓްރެކްޓަށް ދެ އަހަރު އިތުރު ކުރުމަށް ޗެލްސީން ވަނީ ނިންމާފައެވެ.
ނިމިގެންދިޔަ ސީޒަނުގައި ޖޮއާއޯ ޕެޑްރޯ ވަނީ ޕެނަލްޓީ ލަނޑުތައް ނުލާ 20 ލަނޑު ޖަހާފައެވެ. މިއީ ޑިއެގޯ ކޮސްޓާ އަށް ފަހު ޗެލްސީގެ ފޯވާޑަކު 20 ލަނޑު މިގޮތަށް ޖެހި ފުރަތަމަ ފަހަރެވެ.
ޕްރިމިއާ ލީގުގެ ކުޅުން މާދަމާ ފެށުމަށް ހަމަޖެހިފައިވާ ޗެލްސީން ކުޅޭ ފުރަތަމަ މެޗު އޮންނާނީ އަންނަ ހޯމަ ދުވަހު ފުލަމް އާއި ދެކޮޅަށެވެ.
ކުރިއަށް އޮތް ސީޒަނަށް ޗެލްސީ އިތުރަށް ވަރުގަދަ ކުރުމަށް ކޯޗު ޝަބީ އަލޮންސޯ ވަނީ ޓީމަށް ބަދަލުތަކެއް ގެނެސްފައެވެ. އެގޮތުން ޑެނީ ވެލްބެކް އާއި މޯގަން ރޮޖާރސްގެ އިތުރުން އެމަނުއެލް އެމެގާ ފަދަ ކުޅުންތެރިން ވަނީ ޓީމަށް ގެނެސްފައެވެ.
އައު ސީޒަނާއި ޗެލްސީ ކުރިމަތިލާއިރު ޖޮއާއޯ ޕެޑްރޯ އަށް ވަނީ ޖާޒީ ނަމްބަރ 9 މި ފަހަރު ދީފައެވެ. ކުރިން އެ ނަމްބަރަށް ކުޅެމުންދިޔަ ލިއާމް ޑެލަޕް އަތުން ނަންބަރު އަތުލުމަށްފަހު އޭނާ ވިއްކާލަން ޗެލްސީން ވަނީ ނިންމާފައެވެ.