ނައިފަރުން 17 އަހަރުގެ ކުއްޖަކު ގެއްލިގެން ހޯދަނީ

ޅ. ނައިފަރުން 17 އަހަރުގެ ކުއްޖަކު ގެއްލިގެން ހޯދުމުގެ މަސައްކަތް ފަށައިފިއެވެ.

ފުލުހުން ވިދާޅުވީ ގެއްލިގެން ހޯދަނީ ޅ. ނައިފަރު ، ނޫކަނޑު މުޙައްމަދު އަޙްޔާން ޙުސައިންނެވެ.

މުޙައްމަދު އަޙްޔާން ޙުސައިން ގެއްލިގެން ނައިފަރު ޕޮލިހަށް ރިޕޯޓުކޮށްފައިވަނީ އިއްޔެ ހަވީރު 5:30 އެހައިކަންހާއިރުއެވެ. މުޙައްމަދު އަޙްޔާން ޙުސައިން އެންމެ ފަހުން ފެނިފައިވަނީ މިމަހުގެ 27ވަނަ ދުވަހު ކަމަށާއި، އޭގެ ފަހުން ޚަބަރެއް ނުވެގެން ފޯނަށް ގުޅުމުން ޖަވާބު ނުދޭތީ އާއިލާއިން އޭނާ ހޯދުމަށް ކުރި މަސައްކަތުން ފެނިފައިނުވާ ކަމަށް އާއިލާއިން ފުލުހުންނަށް މައުލޫމާތު ދީފައިވެއެވެ۔

ފުލުހުން ވަނީ މުޙައްމަދު އަޙްޔާން ޙުސައިންއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ޅ. ނައިފަރު ޕޮލިސްގެ ނަންބަރު 9792187އަށް ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅާ އެ މައުލޫމާތެއް ހިއްސާކުރުމަށް އެދިފައެވެ.