ރާއްޖޭގެ އިޤްތިޞާދަށް އިންޤިލާބީ ބަދަލެއް ގެނުވާނެ މަޝްރޫއުތައް ފަށާފައިވަނީ، ރައީސް ޔާމީންގެ ސަރުކާރުންކަމަށް އިކޮނޮމިކް މިނިސްޓަރ މުޙައްމަދު ސައީދު ވިދާޅުވެއްޖެއެވެ.
ޓީވީއެމް ރާއްޖެމިއަދު ޕްރޮގްރާމްގައި ވާހަކަފުޅު ދައްކަވަމުން އިކޮނޮމިކް މިނިސްޓަރ މުޙައްމަދު ސައީދު ވިދާޅުވީ، އިޤްތިޞާދީ ވާހަކަތަކާއި ތަރައްޤީގެ ކަންކަމުގައި "ބޮޑެތި" ، "ބިޔަ" މިފަދަ ބަސްތަކަކީ ކުރިން ހަމައެކަނި ރަދީފުގައި ހުންނަ ބަސްތަކެއް ކަމަށެވެ. ބޮޑެތި ބިޔަ މަޝްރޫޢުތައް ރާއްޖޭގައި ހިންގަވަން ފެށީ މިއަދުގެ ސަރުކާރުން ކަމަށް މިނިސްޓަރު ވިދާޅުވިއެވެ.
މިނިސްޓަރ ސައީދު ވިދާޅުވީ، ތަރައްޤީގެ ބޮޑެތި މަޝްރޫޢުތަކުގެ ވާހަކަ ދެއްކީމާ ކުރިން ރައްޔިތުން އެކަން ޤަބޫލުނުކުރާކަމަށާއި އެހެންނަމަވެސް މިހާރު އެފަދަ މަޝްރޫޢުތައް ހިގަމުންދާތަން އެންމެހާ ރައްޔިތުން އަމިއްލައަށް ދެކެމުންދާ ކަމަށެވެ.
މި ޕްރޮގްރާމްގައި ވާހަކަފުޅު ދައްކަވަމުން ހައުސިންގ ޑިވެލޮޕްމެންޓް ކޯޕަރޭޝަނުގެ މެނޭޖިންގ ޑިރެކްޓަރ މުޙައްމަދު ސައިމަން ވިދާޅުވީ، ރައީސް ޔާމީން ރާއްޖޭގެ ވެރިކަމާއި ހަވާލުވެވަޑައިގަތުމަށްފަހު، ހުޅުމާލޭގެ ތަރައްޤީގެ މަސައްކަތްތައް އިތުރުވެފައިވާކަމަށެވެ. މިއާއެކު ވަޒީފާގެ ފުރުސަތުތައް ވަރަށްބޮޑަށް އިތުރުވަމުން އަންނަކަމަށް ވެސް ސައިމަން ވިދާޅުވިއެވެ.
img:http://s1.psmnews.mv/images/660x400/14874222699162.jpg|ރައީސުލްޖުމްހޫރިއްޔާގެ އަނބިކަނބަލުން ފާތިމަތު އިބްރާހީމް، ޔޫތު ކެރިއަރ އެކްސްޕޯ 2017 ހުޅުއްވައި ދެއްވަނި- ފޮޓޯ؛ ޕީއެސްއެމް
ޒުވާނުން ބާރުވެރިކުރުމަށް ސަރުކާރުން ކުރައްވަމުންގެންދަވާ މަސައްކަތްތަކުގެ ދަށުން މާލޭގެ އިތުރުން ރާއްޖޭގެ އެންމެ އުތުރާއި ދެކުނުގައިވެސް ޒުވާނުންނަށް ވަޒީފާ ހޯދައިދިނުމަށް ޖޮބްފެއާތައް ކުރިއަށްގެންދިއުމަށް ނިންމަވާފައިވާކަމަށް ސަރުކާރުން ވަނީ ހާމަކުރައްވާފައެވެ.