އެމްޓީސީސީން ސްކޮޓް ބާޑާ ރެސިންނަށް ޙާއްޞަ ޕްރޮމޯޝަނެއް ފަށައިފިއެވެ.
"ސްކޮޓް ބާޑާ ގަދަ ރެސިން" މިނަމުގައި ޕްރޮމޯޝަން ފައްޓަވައިދެއްވީ، އެމްޓީސީސީގެ ސީއެފްއޯ މުޙައްމަދު ޚިލްމީއެވެ. ސްކޮޓް ބާޑާ ރެސިންނަށް ޙާއްޞަ ޕްރޮމޯޝަނެއް ފެށުމުގެ މައިގަނޑު މަޤްސަދަކީ، އޮޑި ދޯނިފަހަރު ބަންނަ ފަރާތްތަކަށް އަގުހެޔޮކަމާއެކު މޮޅު ރެސިންއެއް ލިބޭނެ މަގު ތަނަވަސް ކޮށްދިނުންކަމަށް އެކުންފުނިން ބުނެއެވެ. މިގޮތުން މިދުވަސްވަރު އޮޑި ދޯނިފަހަރު ބަނުން އިތުރުވެފައިވާކަން އެމްޓީސީސީން ފާހަގަކޮށްފައިވެއެވެ.
img:http://s2.psmnews.mv/images/660x400/14919106195751.jpg|ސްކޮޓް ބަޑަރ ރެސިންއަށް ޚާއްސަ ޕްރޮމޯޝަން ފެށުމަށް ބޭއްވި ރަސްމިއްޔާތުގެ ތެރެއިން / ފޮޓޯ: ޕީއެސްއެމް
ނޫސްވެރިންނަށް މަޢުލޫމާތު ދެއްވަމުން އެމްޓީސީސީގެ ޕްރޮޑަކްޓް އޮފިސަރ ޖިނާޙް މުޙައްމަދު ވިދާޅުވީ، މި ޕްރޮމޯޝަން ކުރިޔަށްދާ މުއްދަތުގައި ގަންނަ ކޮންމެ ސްކޮޓް ބާޑާ ރެސިން ފީފާއަކަށް ދިހައެއް އިންސައްތައިގެ ޑިސްކައުންޓެއް ލިބޭނެކަމަށެވެ. ސްކޮޓް ބާޑާ ރެސިންނަށް ޙާއްޞަ ޕްރޮމޯޝަން ކުރިއަށްގެންދިއުމަށް ހަމަޖެހިފައިވަނީ، މިހިނގާ އޭޕްރިލްމަހުގެ ތިރީސްވަނަ ދުވަހުގެ ނިޔަލަށެވެ.