މެއިމަސް ނިމުނުއިރު މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ، އެމްއެމްއޭގެ ޖެނެރަލް ރިޒާވް 313.3 މިލިއަން ރުފިޔާއަށް އިތުރުވެއްޖެއެވެ.
އެމްއެމްއޭއިން ނެރުއްވާފައިވާ އެ ބޭންކުގެ މެއިމަހުގެ ހިސާބުތަކަށް ބަލާއިރު، ހުސްވިމަހުގެ ތެރޭގައި ޖެނެރަލް ރިޒާވްއަށް 10.9 މިލިއަން ރުފިޔާ ވަނީ އިތުރުވެފައެވެ. އޭޕްރިލް މަސް ނިމުނުއިރު އެމްއެމްއޭގެ ޖެނެރަލް ރިޒާވް ހުރީ 302.3 މިލިއަން ރުފިޔާގައެވެ.
އެމްއެމްއޭއިން ނެރުއްވާފައިވާ މެއިމަހުގެ އިޤްތިޞާދީ ރިވިއު ރިޕޯޓަށް ބަލާއިރު، މިއަހަރުގެ އެޕްރީލް މަސް ނިމުނުއިރު ރާއްޖޭގެ ރަސްމީ ރިޒާވް ހުރީ 494.6 މިލިއަން ޑޮލަރުގައެވެ. ރަސްމީ ރިޒާވްގެ ތެރެއިން ޔޫޒަބަލް ރިޒާވްގެ ގޮތުގައި ހުރީ 216.2 މިލިއަން ޑޮލަރެވެ. މަހުން މަހަށް ބަލާއިރު ޔޫޒަބަލް ރިޒާވްގެ ގޮތުގައި ހުރި އަދަދުވަނީ ހަތަރެއް އިންސައްތަ ދަށަށްގޮސްފައެވެ.