119 ކެޑޭޓުންނާއި އެކު 19 ވަނަ ނޭޝަނަލް ކެޓޭޑް ކޭމްޕް ފަށައިފިއެވެ. މި ފަހަރުގެ ކޭމްޕުގައި 28 ސްކޫލަކުން ވަނީ ބައިވެރިވެފައެވެ. ނޭޝަނަލް ކެޑޭޓް ކޯގެ ލެފްޓިނެންޓް އިބްރާހިމް އިބްތިޝާމް ވިދާޅުވީ މި ކޭމްޕްގެ ސަބަބުން ދަރިވަރުންނަށް އަމަލީ މައިދާނުގައި ބޭނުންކުރާނެ ގިނަ ހުނަރުތަކެއް ދަސްވެގެންދާނެކަމަށެވެ. އަދި ކޭމްޕްގެ ސަބަބުން ކުދިންގެ އުޅުމަށް ރަނގަޅު ބަދަލުތަކެއް އަންނަމުން ދާކަން ބެލެނިވެރިން ފަހަގަކޮށްފައިވާކަންވެސް އިބްތިޝާމް ވިދާޅުވިއެވެ.
ޕީއެސްއެމް ނިއުސްއާއި ވަހަކަދައްކަމުން ކޭމްޕުގެ ބައެއް ބައިވެރިން ބުނީ މި ކޭމްޕާއި މެދު ކުރެވޭ އުންމީދު ބޮޑުކަމަށެވެ. އަދި މިފަދަ ކޭމްޕަކުން ފުރުސަތު ލިބުނީތީ އުފާވާކަމަށް އެކުދިން ބުނިއެވެ.
މި ކޭންޕް ކުރިއަށްދާނީ މިއަދުން ފެށިގެން އަންނަ މަހުގެ 10 ގެ ނިޔަލަށް ގިރިފުށީގައެވެ. މި ކޭމްޕް ކުރިޔަށްދަނީ އެމްއެންޑީއެފްގެ އެހީތެރިކަމާއެކުކަމަށް ނޭޝަނަލް ކެޑޭޓްކޯއިން ބުނެއެވެ.