އަންނަ އަހަރު ފުވައްމުލަކުގައި އެތްލެޓިކްސް ޓްރެއިނިންގ ސެންޓަރެއް ޤާއިމްކުރަން އެތްލެޓިކްސް އެސޯސިއޭޝަނުން އަމާޒު ހިފައިފިއެވެ.
އެއެސޯސިއޭޝަންގެ ތަމްރީނުތައް މިހާރުވެސް ހަތަރު ޞަރަހައްދެއްގައި ކުރިއަށްގެންދެއެވެ. އެސޯސިއޭޝަންގެ ޖެނެރަލް ސެކެޓްރީ އަހުމަދު މުންތަޤިމް ބުނީ މިއަހަރުގެ ޖެނުއަރީ މަހުން ފެށިގެން މާލޭގައި ތަމްރީނުތައް ފެށިގެން ކުރިޔަށްދާކަމަށެވެ. މުންތަޤިމް ބުނީ މިއަހަރު އަލަށް ރާއްޖޭގެ ދެ ސަރަހައްދެގައި ޓްރޭނިންގތައް ފެށިފަވާކަމަށެވެ. އެއީ އައްޑޫ ސިޓީއާއި ގދ.ތިނަދޫއެވެ. މީގެއިތުރުން ތަމްރީނުތައް ކުރިއަށްދާ ޞަރަހައްދުތަކަކީ މާލެ ސީޓީއާއި ހދ.ކުޅުއްދުއްފުށްޓެވެ.
" ޑިވޮލްޕްމެންޓަށް ކުރެވުނު މަސައްކަތައް ބަލާއިރު މާލޭގައި ޖެނުއަރީ ފެށިގެން ނެޝަނަލް ޕޫލް އެދަނީ ކުރިޔަށް. މިހާރު ރާއްޖޭގެ ހަތަރު ސަރަހައްދެގައި ޕޫލް ކުރިޔަށްދާނެ. އަންނަ އަހަރު އުންމީދަކީ ފުވައްލަކު ސިޓީ ޕޫލް ތައާރަފްކުރުން." މުންތަޤިމް ބުންޏެވެ.