މޯލްޑިވްސް ޕޮލިސް ސަރވިސްގެ ހެޑްކުއާޓާޒް - ފައިލް ފޮޓޯ: ޕީއެސްއެމް
ލ. ގަމުގައި ރޭ ހިންގި މާރާމާރީއާ ގުޅިގެން ދެ މީހަކު ހައްޔަރުކޮށްފިއެވެ.
ފުލުހުން ބުނީ ހައްދުންމަތީ ގަމު މަތިމަރަދޫ އަވަށުގައި ހިންގި މާރާމާރީއާ ގުޅިގެން އުމުރުން 28 އަހަރާއި 29 އަހަރުގެ ދެ ފިރިހެނުން ކޯޓު އަމުރެއްގެ ދަށުން ހައްޔަރު ކޮށްފައިވާ ކަމަށެވެ. ރޭ މަތިމަރަދޫގައި ހިންގި މާރާމާރީއެއްގައި ތޫނު އެއްޗަކުން ހަމަލާދީ 21 އަހަރުގެ ޒުވާނަކުވަނީ ޒަޙަމްކޮށްލާފައެވެ. މާރާމާރީގައި ޒަޙަމްކޮށްލި މީހާއަށް ގަން ރީޖަނަލް ހޮސްޕިޓަލުގައި ފަރުވާދެމުންދާއިރު، އޭނާގެ މޫނާއި އަރިކަށި އަދި ބުރަކައްޓަށްވެސް ތޫނު އެއްޗަކުން ހަމަލާދީ ޒަޙަމްކޮށްލާފައިވާކަމަށް ފުލުހުން ބުނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ