މިހާރު ކުރިއަށްދާ 1439 ވަނަ އަހަރުގެ ބައިބަލާ މުބާރާތުގެ ކުއާޓާ ފައިނަލަށް 8 ޓީމެއް ދަތުރުކޮށްފިއެވެ.
މުބާރާތުގެ ގަދަ ސޯޅައިގެ މެޗުތައް ކާމިޔާބުކޮށް ކުއާޓާއަށް ދަތުރުކުރީ ކްލަބު ޓީނޭޖާއި، މަސްއޮޑި ސްޕޯޓްްސް ކްލަބާއި، ކްލަބް ކާސިންޖީއާއި، އެމްސީ ސްޕޯރޓްސް ކްލަބާއި، ބުރު ސްޕޯޓްސް ކްލަބާއި، ނިއުޓްރަލް ކްލަބާއި، ކުޑަހެންވޭރު ޔުނައިޓެޑް އަދި ލޮރެންޒޯ ސްޕޯޓްސް ކްލަބެވެ.
ކުއާޓާގެ މެޗުތައް މިރޭ ފަށާއިރު ފުރަތަމަ މެޗުގައި ބައްދަލުކުރާނީ އެންމެ ފަހުގެ ޗެމްޕިއަން ކްލަބު ޓީނޭޖާއި، މަސްއޮޑި ސްޕޯރޓްްސް ކްލަބެވެ. އަދި ދެވަނަ މެޗުގައި ކްލަބް ކާސިންޖީއާއި، އެމްސީ ސްޕޯރޓްސް ކްލަބު ބައްދަލުކުރާއިރު، ތިންވަނަ މެޗުގައި ބައްދަލުކުރާނީ ބުރު ސްޕޯޓްސް ކްލަބާއި، ނިއުޓްރަލް ކްލަބެވެ. އަދި މިރޭ ކުޅޭ ކުއާޓާގެ ފަހު މެޗުގައި ބައްދަލުކުރާނީ ކުޑަހެންވޭރު ޔުނައިޓެޑާއި ލޮރެންޒޯ ސްޕޯޓްސް ކްލަބެވެ.
ކުއާޓާގެ މެޗުތައް ނިމުމަށްފަހު ސެމީ ފައިނަލާއި ފައިނަލް މެޗު ކުޅުމަށް ހަމަޖެހިފައިވަނީ މި މަހުގެ 21 ވަނަ ދުވަހުގެރެއެވެ.
މި މުބާރާތުގެ ސްޕޮންސަރުންނަކީ މޯލްޑިވްސް ގޭސް، ދިރާގު، ޔޫރޯ ސްޓޯރ އަދި ޕަބްލިކް ސާވިސް މީޑިއާ (ޕީއެސްއެމް) އެވެ.