ޖުމްޙޫރިއްޔަތެއްގެ އެންމެ އަގުބޮޑު ރައުސުލްމާލަކީ ޒުވާނުން ކަމަށް ހޯމް މިނިސްޓަރު އަޒްލީން އަހުމަދު ވިދާޅުވެއްޖެއެވެ.
މިނިސްޓަރ މިހެން ވިދާޅުވީ، މިނިސްޓްރީ އޮފް ހޯމް އެފެއާޒުން ކުރިއަށްގެންދާ "ޖުމްޙޫރިއްޔަތާއި ޒުވާނުން" އަދި ޒިންމާދާރު މީޑިއާ" ވޯކްޝޮޕް އިފްތިތާޙްކުރުމަށް ގއ. ވިލިނގިލީގައި ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
މިނިސްޓަރ އަޒްލީން ވިދާޅުވީ، ޤައުމެއް ތަރައްޤީވެ ކުރިއަރައިގެންދަނީ އެޤައުމެއްގެ ޒުވާނުންނަކީ ޒިންމާދާރު ހަރުދަނާ ބަޔަކަށް ވެގެން ކަމަށެވެ. އެގޮތުން އަދުގެ ސަރުކާރުން ޒުވާނުން ބާރުވެރި ކުރުވުމަށް ކުރަމުންދާ މަސައްކަތްތަކަށް މިނިސްޓަރު ވަނީ އަލިއަޅުއްވާލައްވާ ވާހަކަ ދައްކަވާފައެވެ.
މީގެ އިތުރުން ޒިންމާދާރު ޒުވާން ޖީލެއް ބިނާކުރުމަށް ހޯމް މިނިސްޓްރީއާއި ޔޫތު ލީޑާސް ނެޓްވޯކް ގުޅިގެން ކުރިއަށްގެންދާ ވޯކްޝޮޕްގެ ސަބަބުން ގިނަ ޢަދަދެއްގެ ޒުވާނުންނަށް ތަފާތު އެކި ދާއިރާތަކުން ތަމްރީނާއި މައުލޫމާތު ފޯރުކޮށްދެވެމުންދާކަން މިނިސްޓަރުގެ ވާހަކައިގައި ފާހަގަކުރެއްވިއެވެ.
މިފޯރަމްގެ މައިގަނޑު މަޤްސަދަކީ ޤައުމަށް ފައިދާހުރި ލީޑަރަކަށް ވުމަށްޓައި ޢަމަލުތައް ބަހައްތަންޖެހޭގޮތާއި ޒިންމާދާރު މީޑިއާއަކުން އަދާކުރަންޖެހޭ މަސްއޫލިއްޔަތާއި ޒުވާނުންނަކީ ބާރުވެރި އަބުރުވެރި ބަޔަކަށް ހަދައި މުޖުތަމައުގެ އެކިއެކި ކަންކަމަށް އަހުލުވެރިކުރުމެވެ.
މި ފޯރަމްގައި ގއ. ވިލިނގިލީގައި ހުންނަ ކޮލެޖުތަކާއި ސާނަވީ އަދި މަތީސާނަވީއަށް ކިޔަވަމުންދާ ދަރިވަރުންގެ އިތުރުން ޒުވާނުންނާއެކު ސަތޭކައަށްވުރެ ގިނަ ބައިވެރިން ބައިވެރިވެފައިވެއެވެ.