މާލޭގައި ހިނގި މާރާމާރީއެއްގައި ޒުވާނަކު ވަނީ މަރުވެފައި
މާލޭގައި ތޫނު އެއްޗަކުން ހަމަލާދީ ޒަޚަމްކޮށްލި ޒުވާނަކު މަރުވެއްޖެއެވެ.
އެމް.އެމް.އޭ ސަރަހައްދުގައި މިރޭ ހިންގި މާރާމާރީއެއްގައި ތޫނު އެއްޗަކުން ޒަޚަމްކޮށްލުމާއި ގުޅިގެން މަރުވެފައިވަނީ އުމުރުން 18 އަހަރުގެ ފިރިހެނެކެވެ. ތޫނު އެއްޗަކުން ދިން ހަމަލާތަކަށް ފަރުވާދިނުމަށް އޭނާ އޭޑީކޭ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް އެހޮސްޕިޓަލުން ވަނީ ބުނެފައެވެ.
ފުލުހުން ބުނީ އެމް.އެމް.އޭ ސަރަޙައްދުގައި ތޫނު އެއްޗަކުން ޒުވާނަކަށް ހަމަލާދީފައިވާކަމުގެ ރިޕޯޓް ލިބުނީ މިރޭ 7:16 އެހާއިރުކަމަށާއި މިމައްސަލަ ސީރިއަސް މައްސަލައެއްގެ ގޮތުގައި ބަލަމުންދާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ