40 އިންސައްތައާ ހަަމައަށް ޑިސްކައުންޓް ލިބޭ އެސްޓީއޯ ރޯދަ ޕްރޮމޯޝަން އަންނަ އާދީއްތަ ދުވަހު ފެށުމަށް ނިންމައިފިއެވެ.
ރޯދަމަހަށް ހާއްސަކޮށްގެން ކުރިއަށްގެންދާ "ރަމަޟާން ބާޒާރު" ކުރިއަށް ގެންދިޔުމަށް ހަމަޖެހިފައިވަނީ މިމަހުގެ 23 ވަނަ ދުވަހުން ފެށިގެން މެއި މަހު 30 ވަނަ ދުވަހުގެ ނިޔަލަށެވެ.
މި ޕްރޮމޯޝަންގައި އެސްޓީއޯގެ ހުރިހާ ފިހާރަތަކަކުން ޑިސްކައުންޓް ލިބޭނެ ކަމަށް އެސްޓީއޯއިން މަޢުލޫމާތުދެއެވެ.
ވިޔަފާރިކުރާ ފަރާތްތަކުން ގުރުއަތުގައި ބައިވެރިވެގެން އުމްރާ ދަތުރެއް ލިބުމުގެ ފުރުސަތު އޮންނާނެ ކަމަށާއި ނަސީބުވެރި 7 ފަރާތަކަށް އުމްރާ ދަތުރެއް ދިނުމަށް ހަމަޖެހިފައިވާ ކަމަށްވެސް އެސްޓީއޯއިން މައުލޫމާތުދެއެވެ.
އެސްޓީއޯ ރަމަޟާން ބާޒާރަކީ ކޮންމެ އަހަރެއްގެ ރޯދަމަހާ ދިމާކޮށް އަގުހެޔޮކޮށް ބާއްވަމުން އަންނަ ބާޒާރެކެވެ. ރަމަޟާން ބާޒާރުގެ އިތުރުން ރޯދަމަހާ ދިމާކޮށް އެސްޓީއޯއިން ދަނީ ބިސް، އަލުވި އަދި ފިޔާވެސް ރާއްޖެ ގެނެސް އަގުހެޔޮކޮށް ވިއްކަމުންނެވެ.