ތައިލޭންޑުގައި ބާއްވާ ޑިޕްލޮމެޓިކް ރެޑްކްރޮސް ބާޒާރުގައި ރާއްޖެއިން ބައިވެރިވެއްޖެއެވެ.
ތައިލޭންޑުގައި ހުންނަ ރާއްޖޭގެ އެމްބަސީގެ ފަރާތުން ބައިވެރިވެފައިވާ މި ހަރަކާތަކީ 2 ދުވަހުގެ މުއްދަތަކަށް ކުރިއަށްދާ ހަރަކާތެކެވެ.
ތައިލޭންޑުގައި ހުންނަ އެކި ޤައުމުތަކުގެ އެމްބަސީތަކުން ބައިވެރިވާ މި ހަރަކާތުގައި ބައިވެރިކުރާ ތަކެތި ވިއްކައިގެން ލިބޭ ފައިސާ ހަދިޔާ ކުރުމަށް ހަމަޖެހިފައިވަނީ ތައި ރެޑް ކްރޮސްއަށެވެ.
ރާއްޖެއިން މިއަހަރުގެ ބާޒާރަށް ތަކެތި ހަދިޔާކޮށްފައިވަނީ ދިވެހި އުފެއްދުންތައް ވިއްކާ ފިހާރައެއް ކަމަށްވާ އައިލެންޑު ބާޒާރުގެ ފަރާތުންނެވެ.
ޑިޕްލެމެޓިން ރެޑް ކްރޮސް ބާޒާރަކީ އަހަރަކު އެއްފަހަރު ބާއްވާ ހަރަކާތެކެވެ.
މި ހަރަކާތުގެ ތެރެއިން ޤައުމުތަކުން ސަޤާފީ ހަރަކާތްތައް ދައްކާލުމުގެ ފުރުސަތުވެސް އޮވެއެވެ. އަދި ބާޒާރަށް އަންނަ އާއްމު ފަރާތްތަކުގެ މެދުގައި ލަކީ ޑްރޯތައް ނެގުންވެސް އޮވެއެވެ.