ހަލުވިކަމާއެކު ކޯވިޑް19 ފެތުރެމުންދާތީ، ދުނިޔޭގެ ފަތުރުވެރިކަމުގެ އެންމެ ބޮޑު ފެއާ ޖަރުމަރު ވިލާތުގެ އައިޓީބީ ބަރލިން 2020، ކެންސަލް ކޮށްފިއެވެ.
އައިޓީބީ ފެއަރއަކީ ކޮންމެ އަހަރަކުވެސް ރާއްޖެއިން ބައިވެރިވާ ފެއަރއެއް. މިއަހަރުގެ އައިޓީބީ ފެއަރގައިވެސް، ރާއްޖޭގެ ނުވަދިހަ ނުވަ ކުންފުންޏަކުން ދުއިސައްތަ ސާޅީސް ހަތަރު ފަރާތެއް ބައިވެރިވާގޮތަށް އޮތީ ހަމަޖެހިފައެވެ.
އައިޓީބީ ފެއަރ ބާއްވަމުން އަންނަނީ ޖަރުމަނުވިލާތުގެ ބަރލިން ގައެވެ. މިއަހަރުގެ ފެއަރ ބާއްވަން ނިންމާފައި އޮތީ މާޗް ހަތަރަކުން އަށަކަށެވެ. މި ފެއަރގައި ދުނިޔޭގެ އެކި ޤައުމުތަކުން ފަތުރުވެރިކަމުގެ ސިނާޢަތުގައި ޙަރަކާތްތެރިވާ ދިހަ ހާހަށްވުރެ ގިނަ ފަރާތްތަކުން ބައިވެރިވާނެކަމަށް އައިޓީބީ އިންތިޒާމް ކުރާ ފަރާތުން އޭރު ބުނެފައިވެއެވެ.
މި ފެއަރގައި ރާއްޖެއިން ބައިވެރިވާ ވަފްދުގެ ބޭފުޅުން މަރޗު އެކެއްހައި ހިސާބު ބަރލިންގ އަށް ފުރުމަށްވެސް އޮތީ ކުރިން ހަމަޖެހިފައެވެ.
މިއަހަރުގެ ފެއަރ ކެންސަލްވި ވާހަކަ އިޢުލާންކޮށް އައިޓީބީ ބާލިންއިން ކުރި ޓްވީޓެއްގައިވަނީ، ހަލުވި ކަމާއިއެކު ކޯވިޑް19 ދުނިޔޭގައި ފެތުރެމުންދާތީ އެޤައުމުގެ ހެލްތު މިނިސްޓްރީންނާއި، އިކޮމިކް މިނިސްޓްރީގެ ލަފާއާއި އެއްގޮތަށް މިއަހަރުގެ އައި.ޓީ.ބީ ބަރލިން ފެއަރ ކެންސަލް ކުރަން ނިންމާފައިވާ ކަމަށެވެ.
އަދި އަންނަ އަހަރުގެ ފެއަރގައި އެކި ޤައުމުތަކުން ބައިވެރިވާނެ ކަމަށް އުންމީދު ކުރާކަމަށާ، އަންނަ އަހަރުގެ ފެއަރ ބޭއްވުމަށް ހަމަޖެހިފައިވަނީ އަންނަ އަހަރުގެ މަރޗުމަހުގެ ދިހައަކުން ސާދައަށް ކަމަށްވެސް އައި.ޓީ.ބީ ބަރލިންގއިން ކޮށްފައިވާ ޓުވީޓުގައިވެއެވެ.
ކޯވިޑް-19 ފެތުރެމުންދާނީ ދުނިޔޭގެ އެކި ހިސާބުތަކުގައި ބާއްވާ މިފަދަ ފެއަރތައް ދަނީ ކެންސަލްވަމުންނެވެ. އެގޮތުން ޓެކްނޮލޮޖީގެ ދާއިރާގައި ފާހަގަކޮށްލެވޭ އެންމެ ބޮޑު ހަރަކާތްކަމުގައިވާ "މޯބައިލް ވޯލްޑް ކޮންގްރެސް"ވެސް ވަނީ ކެންސަލްކޮށްފައެވެ.