30 އޮގަސްޓް، 2018: ސިނަމާލެ ބްރިޖު ހުޅުވުމަށް ބޭއްވި ރަސްމިއްޔާތުގައި ކުރިއަށް ގެންދިޔަ ބަޑި ބޭހުގެ ކުޅިވަރުތަކުގެ ތެރެއިން. މިއީ ރާއްޖޭގައި މިހާތަނަށް ބޭއްވުނު އެންމެ ފުރިހަމަ ބަޑި ބޭހުގެ ކުޅިވަރު. ފޮޓޯ: މުޙައްމަދު އާދަމް /ޕީއެސްއެމް ނިއުސް
މާލޭގައި މިރޭ ހަވާއެރުވުމަށް ހަމަޖެހިފައިވާ ކަމަށް އެމްއެންޑީއެފްއިން ވިދާޅުވެއްޖެއެވެ.
އެމްއެންޑީއެފްއިން ވިދާޅުވީ މިރޭ އަށެއް ޖަހާއިރު އިއްޒުއްދީން ފާލަމާ ދިމާ ބޭރުން ކަނޑުގެ ސަރަޙައްދުގައި ހަވާއެރުވުން ކުރިއަށް ދާނެކަމަށެވެ. ހަވާ އެރުވުމަށް ހަމަޖެހިފައިވަނީ 2 މިނެޓަށް ކަމަށް އެމްއެންޑީއެފްއިން ވިދާޅުވެއެވެ.
އެމްއެންޑީއެފްއިން ވިދާޅުވީ މިއީ ވިޔަފާރީގެ އުޞޫލުން އަމިއްލަ ފަރާތަކަށް ސިފައިންގެ ކޯޕަރޭޓިވް "ސިފްކޯ" އިން ކުރިއަށް ގެންގޮސްދިނުމަށް ހަމަޖެހިފައިވާ ހަރަކާތެއްކަމަށެވެ.
ތަފާތު މުނާސަބަތުތަކާ ގުޅުވައިގެން މާލެއާއި މާލޭން ބޭރުގައިވެސް ހަވާއެރުވުމުގެ ހަރަކާތްތައް ކުރިއަށް ގެންދެއެވެ. މިކަން ކުރަނީ އެމްއެންޑީއެފްގެ ބެލުމުގެ ދަށުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ