ޔޫއެފާ ޗެމްޕިއަންސް ލީގުގައި ގުރޫޕްގެ ފަހު މެޗު ކާމިޔާބުކޮށް ގުރޫޕުގެ އެއްވަނައިގައި ޕީއޭސްޖީ މުބާރާތުގެ ދެވަނަބުރުން ޖާގަހޯދައިފިއެވެ.
ނަސްލީތަފާތު ކުރުމުގެ މައްސަލައެއް ދިމާވެގެން ހުއްޓާލި މެޗު އެއް ދުވަސް ފަހުން އަލުން ކުޅުނުއިރު، މެޗް ޕީއެސްޖީ ކާމިޔާބުކުރީ ބަސަކްޝީރްއާ ވާދަކޮށް 5-1 ލަނޑުންނެވެ. މެޗަށް ނުކުތްއިރުވެސް ގުރޫޕްގައި ހިމެނޭ މެންޗެސްޓަރ ޔުނައިޓެޑު ބަލިވުމުން މުބާރާތުގެ 2ވަނަ ބުރުގެ ޖާގަކަށަވަރުކޮށްފައިވާ ޕީއެސްޖީ އަށް ރޭގެ މެޗުގައި ނޭމާ 3 ލަނޑު ކާމިޔާބުކުރި އިރު އަނެއް 2ލަނޑު ޖެހީ އެމްބާޕޭއެވެ. ނޭމާ ޖެހި 3 ލަނޑާއެކު އޭނާ ވަނީ މުބާރާތުގެ ތާރީހުގައި ތިން ފަހަރު ހެޓްރިކް ހަދާފައެވެ.
ރޭގަ ޖެހި 3 ލަނޑާއެކު ނޭމާ ވަނީ މުބާރާތުގައި ޔޫރަޕުގެ ދެ ކުލަބަކަށްކުޅެ 20 ލަނޑުހަމަކުރި ފުރަތަމަ ކުޅުންތެރިޔާއެވެ. މުބާރާތުގައި މިހާތަނަށް ޖެހި 40 ލަނޑާއެކު ނޭމާ ވެފައިވަނީ މިއަދަދަށް ލަނޑުޖެހި ބްރެޒިލްގެ ފުރަތަމަ ކުޅުންތެރިޔާއަށެވެ. ގުރޫޕްގައި ކުޅުނު 6 މެޗުން 12 ޕޮއިންޓް ހޯދައިގެން ޕީއެސްޖީ 1ވަނަ ލިބުނީ ލަނޑުގެ ތަފާތުންނެވެ. ދެން މިގުރޫޕުން މުބާރާތުގެ 2ވަނަ ބުރަށް ދިޔައީ ޖަރުމަންގެ ލިޕްޒިގެވެ.