ބޭންކް އޮފް މޯލްޑިވްސް، ބީއެމްއެލުން ކަސްޓަމަރުންނަށް ނަގުދު ފައިސާ ނެގޭ އަދަދު ލިމިޓްކޮށްފިއެވެ.
ބީއެމްއެލުން ކަސްޓަމަރުންނަށް ނަގުދު ފައިސާ ނެގޭ އަދަދު ލިމިޓްކޮށްފައި މިވަނީ މިމަހުގެ 31 ވަނަ ދުވަހުން ފެށިގެން ދުވާލަކަށް އެންމެ ގިނައިން ނަގުދު ފައިސާ ނެގޭނެ އަދަދަކީ 2 ލައްކަ ރުފިޔާކަމަށް އެމްއެމްއޭއިން ކަނޑައެޅުމާއި ގުޅިގެނެވެ.
ބީއެމްއެލުން ވިދާޅުވީ އެމްއެމްއޭގެ އެންގުމާ އެއްގޮތަށް މިމަހުގެ 31 ވަނަ ދުވަހުން ފެށިގެން ދުވާލެއްގެ މައްޗަށް އެ ބޭންކުން ކުރާ ހުރިހާ މުއާމަލާތެއް ހިމެނޭހެން، ކަސްޓަމަރަކަށް ނަގުދު ފައިސާގެ ގޮތުގައި ގިނަވެގެން ނެގޭނީ 2 ލައްކަ ރުފިޔާ ކަމަށެވެ.
މިމަހުގެ 31 ވަނަ ދުވަހުން ފެށިގެން ދުވާލަކަށް އެންމެ ގިނައިން ނަގުދު ފައިސާ ނެގޭނެ އަދަދަކީ 2 ލައްކަ ރުފިޔާކަމަށް ކަނޑައަޅާފައިވާއިރު ރާއްޖެއަށް ނަގުދު ފައިސާ އެތެރެކުރުމާއި ބޭރުކުރުމުގައި ކަސްޓަމްސަށް ރިޕޯޓްކުރަންޖެހޭ މިންވަރަށްވެސް އެމްއެމްއޭއިން ވަނީ ބަދަލު ގެނެސްފައެވެ. މިބަދަލަށް އަމަލުކުރަން ފަށާނީ އަންނަ މަހުގެ 17 ވަނަ ދުވަހުން ފެށިގެންނެވެ.