އެސްޓީއޯއަށް މިދިޔަ އަހަރު ލިބުނު ފައިދާއިން ހިއްސާއަކަށް 60 ރުފިޔާ ބަހަން ފާސްކޮށްފިއެވެ.
އެސްޓީއޯއިން މިގޮތަށް ފާސްކޮށްފައިވަނީ އެކުންފުނިން އޮންލައިންކޮށް ބޭއްވި 2020 ވަނަ އަހަރުގެ އަހަރީ އާއްމު ޖަލްސާގައި ބައިވެރިވި ހިއްސާދާރުންގެ ވޯޓުންނެވެ. ފާއިތުވި 3 އަހަރު އެސްޓީއޯގެ ހިއްސާއަކަށް ބަހާފައިވަނީ 58 ރުފިޔާއެވެ. އެހެން ކަމުން މިފަހަރު ބަހަން ފާސްކޮށްފައިވާ އަދަދަކީ ހިއްސާއަށް 2 ރުފިޔާ އިތުރު އަދަދެކެވެ.
އަހަރީ އާއްމު ޖަލްސާގައި އެސްޓީއޯ އޮޑިޓް ކުރަން ޕްރައިސް ވޯޓާ ހައުސް ކޫޕާސް އައްޔަން ކުރަން ވަނީ ފާސްކޮށްފައެވެ. އަދި ކުންފުނީގެ އާންމު ހިއްސާދާރުންގެ ފަރާތުން ޑިރެކްޓަރުންގެ ބޯޑަށް 4 ފަރާތަކުން ވަނީ ކުރިމަތިލާފައެވެ. ހިއްސާ ދާރުންގެ ވޯޓާއެކު މި މަޤާމަށް ހޮވުނީ ކުރިންވެސް މި މަޤާމްގައި ހުންނެވި، ހ. މޮސްކޯގެ، އައިމިނަތު ރުޝްމާއެވެ.
CEO & MD Mr. Husen Amru Mohamed Rashad highlights on the performance of STO in 2020. #STOAGM2020 #HappeningNow pic.twitter.com/aNfT4QwI0c
— STO (@stoplc) May 31, 2021
މިދިޔަ އަހަރަކީ ގިނަ ގޮންޖެހުންތަކާއި އެކުވެސް އެސްޓީއޯ ގްރޫޕްއަށް މާލީގޮތުން ރަނގަޅު އަހަރެކެވެ. އެގޮތުން މިއަހަރު އަހަރު އާމްދަނީގެ ގޮތުގައި އެސްޓީއޯއަށް ވަނީ 8.5 ބިލިއަން ރުފިޔާ ލިބިފައެވެ. އަދި ސާފު ފައިދާގެ ގޮތުންގައި އެކުންފުންޏަށް 127 މިލިއަން ރުފިޔާ ލިބިފައިވެއެވެ.
މިދިޔަ އަހަރު އެސްޓީއޯއަށް ލިބުނު އާމްދަނީގެ ބޮޑު ބައެއް ހިއްސާކުރަނީ ތެލުގެ ވިޔަފާރިއެވެ.