ރާއްޖޭގައި އޮތް ސްކޮޑާ ދޭތެރޭ ހިތްހަމަ ޖެހޭ ކަމަށާއި،
ރާއްޖޭގެ ސްކޮޑް ބަދަލުކުރީ މުސްތަޤްބަލަށް ކަމަށް ކޯޗް ރިކީ ހާބާޓް ބުނެފިއެވެ.
އިންޑީއާގައި ނޫސްވެރިންނާ ވާހަކަދައްކަމުން ކޯޗް ހާބާޓް ބުނީ ޒުވާން ކުޅުންތެރިން
ސްކޮޑަށް ނެގީ މުސްތަޤްބަލަށް ރަނގަޅު ޓީމެއް ބިނާ ކުރަން ކަމަށާއި، ރާއްޖެ
މިމުބާރާތުގައި ވާދަކުރާތީ ފަޚުރުވެރިވާ ކަމަށް ކޯޗް ބުންޏެވެ. ރާއްޖެ ހިނެނޭ ގްރޫޕް
ބީއަކީ ވަރުގަދަ ގްރޫޕެއްގެ ގޮތުގައި ސިފަކުރަމުން ކޯޗް ބުނީ ބަންގްލަދޭޝް މިހާރު
ދައްކަމުންދަނީ ރަނގަޅު ކުޅުމެއް ކަމަށާއި، އަދި އަފްޤާނިސްތާނަކީ އެންމެ ފަހުގެ
ޗެމްޕިއަން ކަމުން ގްރޫޕްގެ މެޗްތައް ވާދަވެރިވާނެ ކަމަށެވެ. ރާއްޖެ ހިމެނޭ
ގްރޫޕްގައި އޮތް ބޫޓާން ވަރލްޑްކަޕް ކޮލިފައިންގައި ނެރެފައިވާ ނަތީޖާ ތަކަކަކީ
އެޓީމް މިގްރޫޕްގައި އާދައިގެ ޓީމެއްގެ ގޮތުގައި ނުފެންނާނެ ސަބަބެއް ކަމަށްވެސް
ކޯޗް ބުންޏެވެ. ގްރޫޕް ސްޓޭޖް ފުރަތަމަ މެޗްގައި ރާއްޖެ މިމަހުގެ 24 ވަނަ ދުވަހު
ނިކުންނާނީ ބޫޓާނާ ދެކޮޅަށެވެ. އަދި ދެވަނަ މެޗްގައި ރާއްޖެ 26 ވަނަ ދުވަހު
ނިކުންނާނީ ބަންގްލަދޭޝްއާ ދެކޮޅަށެވެ. ގްރޫޕް ފަހު މެޗްގައި މިމަހުގެ 28 ވަނަ
ދުވަހު ރާއްޖެ ނިކުންނާނީ އެންމެ ފަހުގެ ޗެމްޕިއަން އަފްޤާނިސްތާނާ ދެކޮޅަށެވެ.