އެސްޓީއޯގެ 57ވަނަ އަހަރީ ދުވަހާއި ގުޅުވައިގެން ޚާއްސަ ސޭލްއެއް ބޭއްވުމަށް ނިންމައިފިއެވެ. އެސްޓީއޯގެ 57ވަނަ އަހަރީ ދުވަހަކީ މިމަހުގެ 20ވަނަ ދުވަހެވެ.
އެސްޓީއޯގެ އަހަރީ ދުވަހު ބާއްވާ ސޭލް އެ ކުންފުނީގެ ހުރިހާ އައުޓްލެޓްތަކެއްގައި ކުރިއަށްގެންދިޔުމަށްވަނީ ނިންމާފައެވެ.
އެސްޓީއޯގެ ސޭލްސް އެސޯސިއޭޓު، އާއިޝަތު ނަޒާހަތު ވިދާޅުވީ އެސްޓީއޯ ސުޕަރމާޓާއި، ހޯމް އިމްޕްރޫވްމަންޓު އަދި ރީޖަނަލް ފިހާރަތަކުގައި މި ސޭލް ކުރިއަށްދާނެ ކަމަށެވެ. މި ސޭލްގައި އެސްޓީއޯ ހޯމް އިމްޕްރޫވަމަންޓުން 15 އިންސައްތަ އާއި ހަމައަށް ޑިސްކައުންޓު ލިބޭނެ ކަމަށާއި، ސުޕަރމާޓުން 5 އިންސައްތައާއި ހަމައަށް ޑިސްކައުންޓު ލިބޭއިރު، ރީޖަނަލް ފިހާރައަކުން 10 އިންސައްތައާއި ހަމައަށް ޑިސްކައުންޓު ލިބިގެންދާނެ ކަމަށް ނަޒާހަތު ވިދާޅުވިއެވެ.
"އެދުވަހު ސުޕަރމާޓުގެ 57ވަނަ ކަސްޓަމަރުގެ ބިލް ފްރީވާނެ، ހޯމް އިމްޕްރޫވްމަންޓުގަ ކޮންމެ 57ވަނަ ކަސްޓަމަރަކަށް ލިބޭނެ ފްރީ ގިފްޓެއް، ދެން ހަމަ މުޅި ޕްރޮމޯޝަން ނިމުނީމަވެސް އެބަ ނަގަން ގްރޭޑު ވިނަރއެއް" ނަޒާހަތު ވިދާޅުވިއެވެ.
ނަޒާހަތު ވިދާޅުވީ އެދުވަހު އެސްޓީއޯގެ ފިހާރަތަކަށް ޒިޔާރަތްކުރާ އެންމެންނަށްވެސް ހަދިޔާއެއް ލިބޭނެ ކަމަށެވެ. އެސްޓީއޯގެ އަހަރީ ދުވަހާއި ގުޅުވައިގެން ބާއްވާ ސޭލް ކުރިއަށްދާނީ އެއްދުވަހަށެވެ.