ވޭވަށު ސުކޫލުގެ ޖާގަ އިތުރުކުރުމުގެ މަސައްކަތް އެޑިޔުކޭޝަން މިނިސްޓްރީން ބަޔަކާ ޙަވާލުކުރައްވައިފިއެވެ.
އެޑިޔުކޭޝަން މިނިސްޓްރީގައި ބޭއްވި ރަސްމިއްޔާތެއްގައި މި މަސައްކަތް ކުރުމަށް ޙަވާލުކޮށްފައިވަނީ ޓިކްޓެކް އިންވެސްޓްމަންޓް ޕްރައިވެޓް ލިމިޓެޑާއެވެ.
މި މަޝްރޫޢުގެ ދަށުން ވޭވަށު ސްކޫލުގައި 2 ކްލާސްރޫމާއި، ސްޓާފްރޫމް ޢިމާރާތް ތަރައްޤީކުރެވިގެންދާނެކަމަށް އެޑިޔުކޭޝަން މިނިސްޓްރީން ވިދާޅުވެއެވެ.
ވޭވަށު ސްކޫލުގައި އަލަށް ޢިމާރާތްކުރާ 2 ކްލާސްރޫމާއި ސްޓާފްރޫމް ޢިމާރާތަކީ 2022 ވަނަ އަހަރުގެ ޕީ.އެސް.އައި.ޕީ ބަޖެޓުން
ކުރިއަށްގެންދާ މަޝްރޫޢެކެވެ. މި މަޝްރޫޢަށް 4.8 މިލިއަން ރުފިޔާ ޚަރަދުވާނެކަމަށް އެޑިޔުކޭޝަން މިނިސްޓްރީން ވިދާޅުވެއެވެ.
މި 2 ކްލޫސްރޫމާއި ސްޓާފްރޫމް ޢިމާރާތުގެ މަސައްކަތް ޓިކްޓެކް އިންވެސްޓްމަންޓް ޕްރައިވެޓް ލިމިޓެޑް ޙަވާލުކޮށްފައިވަނީ 120 ދުވަހުގެ ތެރޭގައި މަސައްކަތް އެއްކޮށް ނިންމާގޮތަށެވެ.
މި މަޝްރޫޢު ޙަވާލުކުރުމުގެ އެއްބަސްވުމުގައި އެޑިޔުކޭޝަން މިނިސްޓްރީގެ ފަރާތުން ސޮއިކުރެއްވީ، ސީނިއަރ ޕޮލިސީ ޑިރެކްޓަރ ނައުޝާދު އިބްރާހީމެވެ. އަދި ޓިކްޓެކް އިންވެސްޓްމަންޓްގެ ފަރާތުން ސޮއިކުރެއްވީ އެ ކުންފުނީގެ ޕްރޮޖެކްޓް މެނޭޖަރ އަޙްމަދު ނައުފަލެވެ.