އުސްފަސްގަނޑުގައި މިރޭ ހަވާ އަރުވަނީ

މާލޭ އުސްފަސްގަނޑުގައި މިރޭ ހަވާ އެރުވުމަށް ހަމަޖެހިފައިވާކަމަށް އެމް.އެން.ޑީ.އެފުން ވިދާޅުވެއްޖެއެވެ.

ހަވާ އެރުވުމަށް ހަމަޖެހިފައިވަނީ، އުސްފަސްގަނޑު ދިމާ ބޭރު ސަރަޙައްދުގައެވެ. އެގޮތުން މިރޭ 23:30 އިން ފެށިގެން 3 މިނެޓުގެ ވަގުތަކަށް ހަވާއެރުވުން ކުރިއަށްދާނެކަމަށް އެމް.އެން.ޑީ.އެފުން ވިދާޅުވެއެވެ.

މިރޭ ހަވާއަރުވަނީ އަމިއްލަ ފަރާތަކުން ބާއްވާ ހަރަކާތަކާއި ގުޅިގެން ކުރިއަށްގެންކަމަށްވެސް އެމްއެންޑީއެފުން މައުލޫމާތުދއްވިއެވެ.

ޤައުމީ ދިފާޢީ ބާރުން މީގެ ކުރިންވެސް އަމިއްލަ ފަރާތްތަކުން ބާއްވާ ތަފާތު ޙަފްލާތަކުގައި މާލެއާއި އަދި ބައެއް ރަށްރަށުގައިވެސް ހަވާ އަރުވައިދީފައިވެއެވެ. އަދި ރާއްޖޭގައި ފާހަގަކުރާ ބައެއް ޚާއްސަ އިޙްތިފާލުތަކާ ދިމާކޮށްވެސް ހަވާ އެރުވުން ކުރިއަށްގެންދެއެވެ.