ދުނިޔޭގެ އެއް ނަންބަރު ޓެނިސް ކުޅުންތެރިޔާ ނޮވަކް ޖޮކޮވިޗް ބަލިކޮށް ޔޫއެސް އޯޕަން ޓެނިސް މުބާރާތުގެ ޗެމްޕިއަންކަން ސްޓެން ވަވްރިންކާ ހޯދައިފިއެވެ.
މުބާރާތުގެ ތިންވަނައަށް ސީޑް ކުރެވިފައިވާ ސްވިޒަލެންޑްގެ ވަވްރިންކާ ޗެމްޕިއަންކަން ހޯދީ އެންމެ ފަހުގެ ޗެމްޕިއަން ސާބިއާގެ ޖޮކޮވިޗް ތިން ސެޓު އެއް ސެޓުން ބަލިކޮށްގެންނެވެ. މެޗުގެ ސެޓުތައް ވަވްރިންކާ ގެންދިޔައީ ހަޔެއް ހަތެއް، ހަޔެއް ހަތަރެއް، ހަތެއް ފަހެއް އަދި ހަޔެއް ތިނަކުންނެވެ. މީ ވަވްރިންކާ އޭނާގެ ކެރިއަރުގައި ކާމިޔާބުކުރި ތިންވަނަ ގްރޭންޑް ސްލޭމް މުބާރާތެވެ. މީގެ ކުރިން އޭނާ ކާމިޔާބުކުރި ދެ ގްރޭންޑް ސްލޭމަކީ 2014ގެ އޮސްޓްރޭލިއަން އޯޕަން އަދި 2015ގެ ފްރެންޗް އޯޕަންއެވެ.
މި ދެ މުބާރާތުގެ ފައިނަލް އޭނާ ކާމިޔާބުކުރީވެސް ޖޮކޮވިޗް ބަލިކޮށްގެންނެވެ. ވަވްރިންކާއަށް މިހާރު ކާމިޔާބުނުކުރެވޭ ހަމައެކަނި ގްރޭންޑް ސްލޭމް މުބާރާތަކީ ވިމްބްލްޑަން ޓެނިސް މުބާރާތެވެ.