"އިމްތިޙާނުގައި ބައިވެރިވާ ދަރިވަރުންނާމެދު ކުރެވެނީ ފޮނި އުއްމީދުތަކެއް"

މަތީ ސާނަވީ އިމްތިޙާނުގައި ބައިވެރިވާ ދަރިވަރުންގެ ކިބައިން ޤައުމުކުރަނީ ވަރަށް ފޮނި އުއްމީދުތަކެއްކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.

އެކަމަނާވަނީ މަތީ ސާނަވީ އިމްތިޙާނުގައި ބައިވެރިވާ ހުރިހާ ކުދިންނަށްވެސް ކާމިޔާބީއަށް އެދިވަޑައިގަންނަވާފައެވެ.

މިއަދު ފަށާ މަތީ ސާނަވީ އިމްތިޙާނުގައި ބައިވެރިވާ ދަރިވަރުންނަށް ފުރިހަމަ ކާމިޔާބީއަކަށް އެދިވަޑައިގެން ރައީސުލްޖުމްހޫރިއްޔާ އަނބިކަނބަލުން ސާޖިދާ މުޙައްމަދު ސޯޝަލް މީޑިއާގައި ހިއްސާކުރެއްވި ޕޯސްޓުގައިވަނީ މާތްﷲގެ ހެޔޮ ރަޙުމަތްފުޅުން ކޮންމެ ކުއްޖެއްގެ ހިތް އަލިކުރައްވާ، ތޫނުފިލިކަން އިތުރުކުރައްވާ ޖަވާބުދިނުން ފަސޭހަކޮށްދެއްވުން އެދިވަޑައިގަންނަވާފައެވެ. އަދި އިމްތިޙާނުގައި ބައިވެރިވާ ކޮންމެ ކުއްޖެއްގެ ކިބައިންވެސް ޤައުމުކުރަނީ ވަރަށް ފޮނު އުއްމީދުތަކެއްކަމަށް އެކަމަނާ ވިދާޅުވިއެވެ. އަދި ކުދިންގެ ބެލެނިވެރިންނާ މުދައްރިސުން ފަޚުރުވެރިވާނެ ރަނގަޅު ނަތީޖާތަކެއް ހޯދާ އުޖާލާ މުސްތަޤުބަލަކަށް މަގުފަހިކުރާނެކަމަށް އުއްމީދުކުރައްވާކަމަށް އެކަމަނާ ވިދާޅުވިއެވެ.

މަތީ ސާނަވީ އިމްތިޙާނުގައި މިއަހަރު ބައިވެރިވާ ދިވެހި ހުރިހާ ދަރިވަރުންނަށްވެސް ވަރަށް ފުރިހަމަ ކާމިޔާބީއަކަށް އެދެން. މާތްﷲގެ ހެޔޮ ރަޙްމަތްފުޅާއެކު، ތިޔައިން ކޮންމެ ކުއްޖެއްގެ ހިތް އަލިކުރައްވައި، ތޫނުފިލިކަން އިތުރުކުރައްވައި، ޖަވާބުދިނުން ފަސޭހަކޮށްދެއްވާށި. އާމީން

ތިޔަ… pic.twitter.com/IYqWlqcEtb

— First Lady Sajidha Mohamed (@sajidhaamohamed) September 27, 2026

މިއަހަރުގެ މަތީ ސާނަވީ އިމްތިޙާނުގައި 53 ސެންޓަރަކުން 4973 ދަރިވަރުން އޭލެވެލް އިމްތިޙާނު އަދި 2263 ދަރިވަރުން އެޗްއެސްސީ އިމްތިޙާނު ހެދުމަށްވަނީ ހަމަޖެހިފައެވެ.