އެސްޓީއޯގެ ހުސްވިއަހަރުގެ ވިޔަފާރީގެ ފައިދާއިން ޙިއްސާއަކަށް 51 ރުފިޔާ ބެހުމަށް އެކުންފުނީގެ ޑިރެކްޓަރުންގެ ބޯޑުން ނިންމަވައިފިއެވެ.
މިގޮތަށް ނިންމަވާފައިވަނީ، މިދިޔަ އަންގާރަދުވަހު ބޭއްވެވި އެސްޓީއޯގެ ޑިރެކްޓަރުންގެ ބޯޑުގެ ބައްދަލުވުމުގައެވެ. އެސްޓީއޯގެ ބޯޑުގެ މި ނިންމެވުމާއިއެކު ޙިއްސާއަކަށް ބެހުމަށް ނިންމެވި އަދަދު ފާސްކުރުން އޮންނާނީ މިއަހަރު ބާއްވާ އެކުންފުނީގެ 2016ވަނަ އަހަރީ އާއްމުޖަލްސާގައެވެ.
އެސްޓީއޯއިން ގެންދަވަނީ މިދިޔަ އަހަރުގެ އަހަރީ އާއްމުޖަލްސާ ބެއްވުމަށް ތައްޔާރުވަމުންނެވެ. އެސްޓީއޯއަށް ވަނީ މިދިޔަ އަހަރު ސާފުފައިދާގެ ގޮތުގައި 300 މިލިއަނަށްވުރެ ގިނަ ރުފިޔާ ލިބިފައެވެ. އެސްޓީއޯގެ ހުސްވިއަހަރުގެ ވިޔަފާރީގެ ފައިދާއިން ޙިއްސާއަކަށް 51 ރުފިޔާ ބެހުމަށް އެކުންފުނީގެ ޑިރެކްޓަރުންގެ ބޯޑުން ނިންމަވާފައިވާއިރު، 2015 ވަނަ އަހަރު ޙިއްސާގެ ފައިދާގެ ގޮތުގައި ބަހާފައިވަނީ ޙިއްސާއަކަށް 57 ރުފިޔާއެވެ.