ރާއްޖޭގައި ބާއްވާ ފުރަތަމަ ޓޫރިޒަމް ފެއަރ، ޓްރެވަލް ޓްރޭޑް މޯލްޑިވްސް، ޓީޓީއެމް ފެއަރގެ ތެރެއިން ތިންހާހަށްވުރެ ގިނަ ބައްދަލުވުން ކުރިއަށްދާނެ ކަމަށް ކޯރޕަރޭޓް މޯލްޑިވްސްއިން ހާމަކޮށްފިއެވެ.
އަންނަ ޖުލައިމަހުގެ ބާރައިން ތޭރައަށް ދަރުބާރުގޭގައި ބާއްވާ ޓީޓީއެމްގެ ފެއަރގައި ރާއްޖޭގައި ރިސޯޓު ހިންގާ ފަރާތްތަކާއި ބޭރުގެ ޓްރެވަލް އެޖެންޓުންނާއި އެކު ބައްދަލުވުންތައް ބޭއްވުމަށް ހުޅުވާލުމުން ބޮޑު ތަރުހީބެއް ލިބެމުންދާކަމަށް ކޯރޕަރޭޓު މޯލްޑިވްސްއިން ހާމަކުރެއެވެ. tw:https://twitter.com/corporatemv/status/874580343696744451
އެގޮތުން މިހާތަނަށް ދެހާހަށްވުރެ ގިނަ ފަރާތުން މިފަދަ ބައްދަލުވުމަށް ރެޖިސްޓްރީކޮށްފައިވާ ކަމަށްވެސް ކޯރޕަރޭޓު މޯލްޑިވްސްއިން ހާމަކުރެއެވެ. ޓީޓީއެމްގެ ފުރަތަމަ ދެ ދުވަހު ކުރިއަށްދާ މި ބައްދަލުވުންތަކަކީ 15 މިނެޓުގެ ބައްދަލުވުންތަކެކެވެ. އެގޮތުން ރާއްޖޭގައި ރިސޯޓު އަދި ހޮޓެލް ހިންގާ ފަރާތްތަކާއި ސީދާ ބޭރުގެ ޓްރެވަލް އެޖެންޓުންނާއި ބައްދަލުކުރުމުގެ ފުރުސަތު ލިބެއެވެ.
ޓީޓީއެމް ފެއަރގައި ބައިވެރިވުމަށް މިހާތަނަށް 100 އަށްވުރެ ގިނަ ރިސޯޓް ހިންގާ ފަރާތަކާއި ސަތޭކަ ފަންސާހަށްވުރެ ގިނަ ބޭރުގެ ޓްރެވަލް އެޖެންޓުންވަނީ ރަޖިސްޓްރީކޮށްފައެވެ. tw:https://twitter.com/corporatemv/status/872731021644406784