ކައިވެނީގެ ހަފްލާއެއް ބޭއްވުމަށް އެންމެ މަޤްބޫލް މަންޒިލްތަކުގެ ތެރޭގައި ރާއްޖޭގެ 2 ރިސޯޓެއް
ކައިވެނީގެ ހަފްލާއެއް ބޭއްވުމަށް އެންމެ މަޤްބޫލް މަންޒިލްތަކުގެ ތެރޭގައި ރާއްޖޭގެ ދެ ރިސޯޓެއް ހިމެނިއްޖެއެވެ.
އޮންލައިން ޓްރެވަލް އެޖެންސީއެއް ކަމަށްވާ 'ފައިވް ސްޓަރ އެލަޔަންސް' އިން އެކުލަވާލި ކައިވެނި ހަފްލާއަކަށް އެންމެ ކަމުދާނެ މަތީ ފެންވަރުގެ ރިސޯޓު އަދި ހޮޓެލްތަކުގެ ލިސްޓުގައި ހިމަނާފައިވާ ރާއްޖޭގެ ދެ ރިސޯޓަކީ އަންގސާނާ ވެލަވަރު އަދި ފޯ ސީޒަން މޯލްޑިވްސް ލަނޑާގިރާވަރު ރިސޯޓެވެ.
ފައިވް ސްޓަރ އެލަޔަންސްއިން ބުނެފައިވަނީ ބީޗް ވެޑިންއަކަށް ނުވަތަ، ގްލާސް ބޮޓަމް ޕެވިލިއަންއެއްގައިވެސް ޕާޓީ ބޭއްވުމަށް ނުވަތަ މޫދު އަޑީގައިވެސް ކައިވެނީގެ ހަފްލާ ކުރިއަށް ގެންދިޔުމަށް ރާއްޖޭގެ މި ދެ ރިސޯޓަކީ އެންމެ ކަމުދާ ދެ މަންޒިލް ކަމަށެވެ. ފައިވް ސްޓަރ އެލަޔަންސްއިން އެކުލަވާލާފައިވާ ލިސްޓުގައި ދުނިޔޭގެ ނަން މަޝްހޫރު ފަތުރުވެރިންގެ މަންޒިލްތަށް ކަމަށްވާ ތައިލޭންޑް އަދި ބާލީ ފަދަ މަންޒިލްތަކުގައި ހިންގާ ރިސޯޓުތައް ހިމެނެއެވެ.