ފަތުރުވެރިކަމަށް ހޮޓަލެއް ތަރައްޤީކުރުމަށް ބިމެއް ދޫކުރަން ވަރަށް އަވަހަށް ހުޅުވާލަން ނިންމާފައިވާކަމަށް ޓޫރިޒަމް މިނިސްޓްރީން އިއުލާންކޮށްފިއެވެ.
ޓޫރިޒަމް މިނިސްޓްރީން ވިދާޅުވީ ފަތުރުވެރިންނަށް ޚިދުމަތްދޭ ހޮޓަލެއް ތަރައްޤީކުރުމަށް ބިމެއް ދޫކުރުމަށް ހުޅުވާލަނީ އަންނަ ބުދަދުވަހުކަމަށެވެ. ނަމަވެސް މިކަމާއި ގުޅޭ އިތުރު މައުލޫމާތު ޓޫރިޒަމް މިނިސްޓްރީން ހާމަކުރައްވާފައެއް ނުވެއެވެ.
Another Investment Opportunity to be announced soon.#Maldives Tourism #InvestmentYear2021 pic.twitter.com/SRyu77qRet
— Ministry of Tourism (@MoTmv) January 31, 2021
ޓޫރިޒަމް މިނިސްޓްރީން މި މައުލޫމާތު އަދި ހާމަކޮށްފައި ނުވިނަމަވެސް ޕީއެސްއެމް ނިއުސްއަށް މައުލޫމާތު ލިބިފައިވާ ގޮތުގައި ހޮޓެލް ތަރައްޤީކުރުމަށް ހުޅުވާލަނީ ނ. އަތޮޅުގެ ރަށަކުންނެވެ. މިއަހަރުގެ ތެރޭގައިވެސް ޓޫރިޒަމް މިނިސްޓްރީން ވަނީ ފަތުރުވެރިކަން ތަރައްޤީކުރުމަށް އިތުރު ބިންތަކެއް ހުޅުވާލާފައެވެ. އެގޮތުން ހޯރަފުށީގައި ލޯކަލް ޓޫރިޒަމް އިތުރަށް ފުޅާކުރުމަށްޓަކައި އެރަށުން 7 ބިމެއް ގެސްޓްހައުސް ތަރައްޤީކުރަން ދޫކުރުމަށް ވަނީ ހުޅުވާލާފައެވެ.
ހއ.އުލިގަމުގައި ސިޓީހޮޓަލަކާއެކު ޔޮޓު މެރީނާއެއް ތަރައްޤީކުރުމަށްވެސް މިކަމަށް ޝައުޤުވެރިވެރިވާ ފަރާތްތަކުން ބިޑު ހުށަހެޅުމުގެ ފުރުސަތު ޓޫރިޒަމް މިނިސްޓްރީން ހުޅުވާލިއެވެ. މި މަޝްރޫޢަށް އުލިގަމުން 36 ހެކްޓަރުގެ ބިމެއް ދިނުމަށް ހަމަޖެހިފައިވާކަމަށް ޓޫރިޒަމް މިނިސްޓްރީން ވިދާޅުވެފައިވެއެވެ.