ރ. ފައިނު / ފޮޓޯ:ސޯޝަލް މީޑިއާ
ރ. ފައިނުގައި މޫދަށްއެރި އުޅުނު ކުޑަ ފިރިހެން ކުއްޖަކު ގެނބިގެން މަރުވެއްޖެއެވެ.
ފައިނު ކައުންސިލުން ވިދާޅުވީ 5 އަހަރުގެ ކުޑަކުއްޖާ ގެއްލިގެން ހޯދަންފެށީ މިއަދު ހަވީރު 17:15 އެހާއިރުކަމަށާއި، ކުއްޖާ ފެނިފައިވަނީ 17:30 އެހާއިރު އެރަށު އުރުދެކުނު ފަރާތު މޫދުންކަމަށެވެ.
ކުޑަ ކުއްޖާ ފެނުނީ އެސަރަހައްދުގެ މޫދުގެ ގާތްގަނޑަކަށް 2 ފޫޓު އަޑިންކަމަށްވެސް އެރަށު ކައުންސިލުން ވިދާޅުވިއެވެ.
މިކުއްޖާ ގެއްލިގެން ހޯދަންފެށީ ރަހުމަތްތެރި އެހެން ކުއްޖަކާއެކު ބޭރަށް ނުކުމެއުޅުމަށްފަހު މޫދަށް އެރިއުޅެނިކޮށް ގެއްލިގެން ކައިރީގައި ހުރި ކުއްޖާ އެވާހަކަ ބުނުމުންކަމަށްވެސް ކައުންސިލުން ވިދާޅުވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ